सोलुखुम्बुका दुई स्थानमा ‘आप्पा’ कार्यक्रम सम्पन्न

२७ असोज, २०८२ । सोलुखुम्बुको २ वटा स्थानीय तहमा सकारात्मक सहभागीतात्मक योजना तर्जुमा गोष्ठि सम्पन्न भएको छ । जिल्लाको तल्लो क्षेत्रमा आधारित सामुदायिक पर्यटन प्रवद्र्धन गर्ने उद्देश्यले पहाडी विकास तथा संरक्षण समूह नेपालको आयोजनामा “सकारात्मक सहभागीतात्मक योजना तर्जुमा गोष्ठी (आप्पा)” कार्यक्रम सोलुखुम्बुका दुई स्थानमा सम्पन्न भएको हो । गत असोज ७ गते सोताङ गाउँपालिका को वडा नम्बर १ पावैमा र असोज ८ गते माप्यदुधकोशी गाउँपालिकाको वडा नम्ब्र ६ वाकुमा एक÷एक दिने कार्यक्रम सम्पन्न भएका हुन् ।

समुदायभित्र सकारात्मक सोच, सहकार्य र समावेशी योजना निर्माणको अभ्यास गराउन गोष्ठिको आयोजना गरिएको आयोजक संस्था पहाडी विकासले जनाएको छ । पहाडी विकास तथा संरक्षण समूह नेपालको अध्यक्ष भलाकाजी कुलुङको सभापतित्वमा सम्पन्न गोष्ठिमा पावैमा भएको कार्यक्रममा वडा अध्यक्ष जंग बहादुर गुरुङको प्रमुख आतिथ्यता रहेको थियो भने भने वाकु सञ्चालन गरिएको गोष्ठिमा माप्य दुधकोशी गाउँपालिका वडा नम्बर ६ का कार्यवाहक वडा अध्यक्ष कर्ण खालिङको प्रमुख अतिथ्यता रहेको जनाइएको छ । ‘आप्पा’ कार्यक्रमको सहजीकरण पहाडी विकासका सल्लाहकार तथा द पाट्र्नर्स नेपालका सचिव भीम राज राईले गर्नुभएको थियो ।

कार्यक्रमका क्रममा सहभागीहरूले सामूहिक कार्यको अभ्यासस्वरूप कार्यक्रम सञ्चालन स्थल वरिपरिका फोहर संकलन गरी सरसफाइ अभियानसमेत सञ्चालन गरेका थिए । संस्थाका अनुसार सामुदायिक पर्यटन विकासका लागि समुदायस्तरमा सहभागिता र योजनाबद्ध क्रियाकलाप आवश्यक रहेकोले यस्ता कार्यक्रम आयोजना गरिएको हो । आगामी दिनमा जिल्लाका अन्य वडाहरूमा यसैगरी ‘आप्पा’ कार्यक्रम सञ्चालन गर्ने गरी योजना ल्याउने संस्थाले जनाएको छ । कार्यक्रममा पहाडी विकासका सचिव परम ध्वज कुलुङ, जिएचटी कार्यक्रम संयोजक उद्धव कुलुङ, स्थानीय, र नागरिक समाजका समुदायका अगुवा व्यक्तिहरूको उपस्थिति रहेको थियो ।