मतदाता नामावली दर्ता खुलेपछि सोलुमा ६० जना नयाँ मतदाता थपिए 

असोज २८,सोलुखुम्बु । फागुन २१ का लागी तय भएको प्रतिनिधी सभा निर्वाचनका लागी देशैभर मतदाता नतामावली संकलन तथा अद्यावधीकको कार्य भइरहेको छ । यसै सन्दर्भमा हिमाली जिल्ला सोलुखुम्बुमा पनि मतदता नामावली संकलनको काम निरन्तर भइरहेको हो । सरकारले निर्वाचनका लागी विशेष अवस्थाको प्रकृया अपनाएर निर्वाचनको मिति घोषणा भएपनि मतदाता नामावली संकलन गराउन निर्देशन दिएकाले पछिल्लो समय युवाहरुले निर्वाचन कार्यालयमा आएर मतदाता नामावली बनाउने गरिरहेको जनाइएको छ ।

गत असोज १० बाट सुरु भएको मतदाता नामावली संकलन पछि सोलुखुम्बुमा २७ गते गते सम्म ६० जनाले मतदाता नामावलीमा नाम दर्ता गराइसकेका छन् । निर्वाचन प्रयोजनका लागी सुरु भएको मतदाता नामावली संकलनका लागी जिल्ला निर्वाचन कार्यालयबाट फोटो सहितको मतदाता नामावली दर्ता गराउन सकिने जिल्ला निर्वाचन कार्यालय सोलुखुम्बुका निमित्त प्रमुख नेत्र घिमिरेले बतमाउनुभयो । उहाँका अनुसार यो अवधीमा ३९ जना मतदाताले केन्द्र सार्ने निवेदन दिएका छन् ।

२ वटा प्रदेश सभा र १ वटा प्रतिनिधी सभा निर्वाचन क्षेत्र रहेको सोलुखुम्बुमा आगामी फागुन २१ गते प्रतिनिधि सभाका लागी मतदान हुँदै छ । जिल्ला निर्वाचन कार्यालय सल्लेरी सोलुखुम्बुका अनुसार हाल सम्म सोलुखुम्बुमा ८० हजार बढी मतदाता रहेका छन । ति मध्ये ३९ हजार ९ सय ५८ महिला छन भने ४२ हजार ८ सय ९६ जना पुरुष रहेका छन् । निर्वाचन आयोगको निर्देशनअनुसार जिल्लामा निर्वाध ढंगले मतदाता नामावली संकलन भइरहेको भन्दै कार्यालय प्रमुख घिमिरेले सरकारले तोकेको मितिमा निर्वाचन गराउन जिल्ल तहमा रहेर आफूले निरन्तर काम गरिहरेको उल्लेख गर्नुभयो ।