सल्लेरीमा सुरु भयो तिहारको रौनकता, हाट बजारमा तिहारका सामाग्रीको व्यापक किनबेच

कार्तिक १, सोलुखुम्बु । हिन्दु नेपालीहरुको दोश्रो महान पर्व शुभदिपावली सुरु भएसँगै हिमाली जिल्ला सोलुखुम्बुको सदरमुकाम सल्लेरीमा रौनकता र चहलपहल सुरु भएको छ । जिल्ला सदरमुकाम सल्लेरीमा तिहार लक्षित किनमेल तथा आवतजावत सुरु भएको हो । जिल्ला सदरमुकाम सल्लेरी स्थित नयाँ बजारमा लाग्ने हाट बजारमा तिहार लक्षित किनबेच तथा रौनकता देखिएको छ ।

तिहारको पहिलो र अन्तिम शनिबारे हाटमा तिहार लक्षित किनबेच भएको थियो । आज शनिबार लागेको हाटमा तिहारका लागी मखमली फुलका माला, ओखर, भाइमसाला लगायतको ह्रास देखिएको थियो । जिल्लाका विभिन्न स्थानबाट शनिबारे हाटमा तिहारको किनबेच गर्न मानिसहरु आइपुगेका थिए । शनिबारे हाटमा नयाँ कपडा किन्न तथा तिहारको किनमेल गर्न मानीसहरु आइपुगेका हुन् ।

आजको शनिबारे हाटमा दाँते ओखर, भाइमलासका लागी नरिवल लगायत रंगहरु तराई सहित काठमाण्डौबाट व्यपारीहरुले बिक्री गर्न ल्याएका थिए भने अन्य मसलन्द सामाग्रीहरु यहाँकै रैथाने र स्थानीय सामाग्रीहरु हाटमा आएका थिए । यस्तै बजारका घरहरुमा समेत तिहारको रौनकता छाएको छ । यहाँका स्थानीयहरुले घरलाई रंगीविरंगी बत्तीहरुले सजाउने, लिपपोत गर्ने र फुलहरुले सजाउने काम सुरु गरेका छन् ।