लिखुपिकेमा सम्पन्न खुल्ला पुरुष भलिबल प्रतियोगिताको उपाधि प्रगतिशिल युवा क्लबलाई

कार्तिक ४, सोलुखुम्बु । सोलुखुम्बुको लिखुपिके गाउँपालिकामा आयोजित तीन दिने खुल्ला पुरुष भलिबल प्रतियोगिता भव्य रूपमा सम्पन्न भएको छ । दिपावली, नेपाल संवत तथा छठ पर्वको पावन अवसरमा कार्तिक १ गतेदेखि ३ गतेसम्म सञ्चालन गरिएको प्रतियोगिता प्रगतिशिल युवा क्लबको विजयी प्रदर्शनसहित समापन भएको हो ।

प्रतियोगिता गाउँपालिका अध्यक्ष मिना कार्की बस्नेतको अध्यक्षता तथा प्रमुख अतिथि जिल्ला समन्वय समिति प्रमुख कृष्ण प्रसाद निरौलाको उपस्थितिमा प्रतियोगिताको उद्धघाटन गरिएको थियो । हिमगंगा माध्यमिक विद्यालयको प्राङ्गणमा सम्पन्न प्रतियोगिताको फाइनल खेलमा जिल्ला भलिबल संघ सोलुखुम्बुलाई पराजित गर्दै प्रगतिशिल युवा क्लब, लिखुपिके गाउँपालिका वडा नं. २ ले उपाधि उचालेको हो ।

प्रतियोगितामा दोस्रो स्थान जिल्ला भलिबल संघ सोलुखुम्बुले हासिल गरेको छ, भने आयोजक टिम तेस्रो स्थानमा रह्यो । उपाकुण्ड गाउँपालिका वडा नं. २ को टिमले सान्त्वना स्थान प्राप्त गर्यो । विजेता प्रथम, द्धितिय, तृतिय र सान्त्वना हुने टिमहरूले क्रमशः नगद ८५,०००, ६०,०००, ४०,००० र २०,००० रुपैयाँसहित ट्रफी, मेडल र प्रमाणपत्र प्राप्त गरेका छन् । प्रतियोगिताले स्थानीय स्तरमा खेलकुदको प्रवद्र्धनमा टेवा पु¥याउनुका साथै युवाहरूमा सकारात्मक ऊर्जा र प्रतिस्पर्धात्मक भावना विकास गर्न मद्दत पुर्याउने आयोजक समितिले जनाएको छ ।