कार्तिक १०, सोलुखुम्बु । यो शरद् ऋतुमा सगरमाथा हिमाल आरोहणका लागि ४ जनाले अनुमति लिएका छन् । पर्यटन विभागका अनुसार सगरमाथा आरोहणको मुख्य सिजन वसन्त ऋतु भए पनि केही साहसिक आरोहीहरूले अहिलेको शरदमा समेत आरोहण अनुमति लिएका हुन् ।
यस वर्षको शरद् ऋतुमा जम्मा ५७ वटा हिमालका लागि ३२९ महिलासहित १ हजार ४०१ जनाले आरोहण अनुमति लिएका छन् । सबैभन्दा बढी आमाडब्लम हिमालका लागि ३९९ जनाले अनुमति लिएका छन् भने दोस्रोमा मनास्लु हिमालका लागि ३७४ जनाले अनुमति लिएका छन् । हिमाल आरोहणका अनुमति पत्रबाट सरकारले यस सिजनमा १४ करोड ९७ लाख रुपैयाँभन्दा बढी रोयल्टी सङ्कलन गरेको छ । यो रकम अघिल्लो वर्षको सोही सिजनको तुलनामा तेब्बरभन्दा बढी हो ।
गत वर्ष १ हजार २८० जनालाई अनुमति दिँदा ७ करोड ६३ लाख रुपैयाँ मात्रै रोयल्टी सङ्कलन भएको थियो । यो वर्ष आरोहीको सङ्ख्या १ सय २२ जना मात्र बढी भए पनि सरकारले आरोहण रोयल्टी दर वृद्धि गरेकाले राजस्वमा उल्लेखनीय वृद्धि भएको पर्यटन विभागले जनाएको छ ।
Discussion about this post