कार्तिक ११, सोलुखुम्बु । उदयपुरको कटारी नगरपालिका–१० का ४३ वर्षीय चुक्ताबहादुर राउत पक्राउ परेका छन् । ललितपुरको नख्खु कारागारबाट फरार भएका राउतलाईकाठमाडौं प्रहरीले गएराति साढे ९ बजेतिर टेकु क्षेत्रबाट नियन्त्रणमा लिएको हो । प्रहरी वृत्त जनसेवाबाट खटिएको टोलीले राउतलाई पक्राउ गरी कैद भुक्तानका लागि पुनः नख्खु कारागारमा बुझाएको जनाएको छ ।
राउत बलात्कार मुद्दामा सजाय काटिरहेका बेला कारागारबाट फरार भएका थिए । घटनापछि प्रहरीले काठमाडौं उपत्यकासहित विभिन्न स्थानमा खोजी कार्य तीव्र पारेको थियो । अन्ततः उदयपुर निवासी राउत राजधानीमै फेला परेपछि प्रहरीको टोलीले उनलाई पक्राउ गर्न सफल भएको हो । प्रहरीका अनुसार उनलाई कानूनी प्रकृया पूरा गरी बाँकी कैद अवधि भुक्तानका लागि नख्खु कारागारमा पठाइएको छ ।
Discussion about this post