ओली सरकार पश्चिमाले ढाले, प्रतिगामि सरकार विरुद्ध सडकमा जान्छौ – एमाले उपमहासचिव गुरुङ

कार्तिक २०, सोलुखुम्बु । एमाले उपमहासचिव तथा तत्कालिन संचार मन्त्रि पृथ्वि सुब्बा गुरुङले ओली नेतृत्वको सरकार पश्चिमाहरुले ढालेको बताउनुभएको छ। सोलुखुम्बु सदरमुकाम सल्लेरीमा प्रेस चौतारीले आयोजना गरेको पत्रकार सम्मेलनमा बोल्दै उपमहासचिव गुरुङले अमेरिकाले अगाडी सारेका शर्तहरु नमन्दा जेनजी आन्दोलनका नाममा सुरक्षा निकाय भित्रै घुषपेठ गरि सरकार ढालेर प्रतिगमन गरेको बताउनुभएको हो ।

उहाँले बर्तमान सरकारको कुनै संबैधानिक हैशियस नभएको भन्दै पश्चिमाको प्रतिगनको आडमा बनेको भन्दै यो प्रतिगमनलाई अब एमाले सडकमै गएर प्रतिस्थापन गर्ने उद्घोष गर्नुभयो। एमालेले अब वडा देखि केन्द्र सम्मै सडक संघर्ष गर्ने र त्यस्कै बलबाट प्रतिनिधि सभा पुनस्थापना गर्ने गुरुङको जिकिर थियो । उहाँले नेपाली सेनाले राष्ट्रिय सम्पत्ति जोगाउन नसकेको भन्दै राष्ट्रीय संकटमा उपयोगी नहुने सेनाको संगठनको औचित्य माथि प्रश्न चिन्ह उठाएका छन् । सुरक्षा निकाय भित्रै आन्दोलनका बेला घुषपेठ भएको उहाँको तर्क थियो ।

एमाले उपमहासचिव गुरुङले घोषित मितिमा कुनै हालतमा चुनाव नहुने भन्दै सरकारको नियत चुनाव भन्दा पनि काँग्रेस एमालेका नेतालाई फसाउने तर्फ उद्दत रहेको उल्लेख गर्नुभयो। आफ्नै पार्टीका अध्यक्षलाई उपत्यका छोड्न बन्देज लगाउने सरकारले चुनाव गराउँछ र वातावरण बनाउँछ भनेर सोच्नु नै गलत हुने गुरुङको तर्क छ । पार्टिको विस्तारित बैठकमा भाग लिनका लागि उपमहासचिव गुरुङ सँगै स्थायी कमिटि सदस्य शेरधन राई, केन्द्रिय सदस्य तथा निवर्तमान रक्षा मन्त्रि मानवीर राई सहितका नेताहरु सल्लेरी आएका छन् ।