जेठ २३ सोलुखुम्बु । सोलुखुम्बुको लिखुपिके गाउँपालिकाकी अध्यक्ष मिना कार्की बस्नेत राष्ट्रिय जनता सेवा सम्मान २०८१ बाट सम्मानित हुनुभएको छ । उज्यालो भविष्य संस्था दोलखाको १० औँ वार्षिक उत्सवको अवसरमा उहाँलाई आज काठमाण्डौमा सम्मानित गरिएको हो ।
सोलुखुम्बुको दुर्गम पालिकाकी महिला अध्यक्ष बस्नेतलाई गाउँपालिकामा विकास निर्माण, सुशासन कायम गरि शिक्षा, स्वास्थ्य र पूर्वाधार विकास लगायतका उपलब्धि हासिल गर्न सफ भएको भन्दै सो कार्यको उच्च मूल्याङ्कन गरि सम्मानित गरिएको हो । उहाँलाई संस्कृति पर्यटन तथा नागरिक उड्यन मन्त्री हित बहादुर तामाङले सम्मानपत्र हस्तान्तरण गर्दै सम्मानित गर्नुभएको छ ।
उज्यालो भविष्य अध्यक्ष राजन बस्नेतको सभापतित्वमा सम्पन्न कार्यक्रममा मन्त्री तामाङको प्रमुख आतिथ्यता रहेको थियो । उज्यालो भविष्य संस्थाले विभिन्न विधाका व्यक्तिहरूलाई सम्मानित गरेको छ भने जनप्रतिनिधिको रुपमा कार्कीलाई सम्मानित गरेको छ । सम्मानित भएपछि रेडियो एभरेष्ट सँग प्रतिक्रिया दिँदै अध्यक्ष बस्नेतले उज्याले भविष्य संस्था ले गरेको सम्मान प्रति आभार व्यक्त गर्नुभएको छ ।
उहाँले यस सम्मानले आफूलाई थप जिम्मेवारीको आभास गराएको भन्दै नागरिकको सेवामा काम गर्ने उर्जा थपेको बताउनुभएको छ । उहाँले सोलुखुम्बुको दूरदराजको गाउँपालिका भएपनि आफ्नो नेतृत्वमा रहेको गाउँपालिकामा शिक्षा, स्वास्थ्य लगायतका क्षेत्रमा काम गरिरहेको बताउनुभएको छ ।
Discussion about this post