नेपाल शिक्षक महासंघ साेलुखुम्बुले सम्पन्न ग¥यो विस्तारीत बैठक

कार्तिक २८, सोलुखुम्बु । नेपाल शिक्षक महासंघ सोलुखुम्बुको बैठकले शिक्षकका हकहितका लागी अगाडी बढ्न सबैलाई सकृय बनाउने निर्णय गरेको छ । जिलको सदरमुकाम सल्लेरीमा सम्पन्न विस्तारीत बैठकले सो निर्णय सहित अन्य विविध निर्णय गरेको हो । नेपाल शिक्षक महासङ्घ जिल्ला कार्यसमितिका अध्यक्ष जनक कुमार थापाको अध्यक्षतामा बसेको बैठकले विभिन्न महत्वपूर्ण निर्णयहरू गरेको हो ।

बैठकले हालै सार्वजनिक गरिएको धन्यवाद ज्ञापन सम्बन्धी सूचना तथा वर्तमान कार्यसमितिका गतिविधिबारे विस्तृत समीक्षा गरिएको छ । साथै आन्दोलनमा सहभागीता, भलिबल दिवसमा सहभागी खेलाडी, खुम्बु पासाङ ल्हामुको स्थानीय कमिटी समितिको सक्रियता सम्बन्धमा पनि बैठकले धन्यवाद ज्ञापन गरेको छ ।

यसैगरी सोलुदुधकुण्ड नगरपालिकामा संचालन हुँदै आएको स्थानीय भता सम्बन्धमा, खाता सच्चालन सम्बन्धमा , स्थानीय भता सम्बन्धमा तथा शिक्षक सरुवा सम्बन्धमा , आन्दोलन परिचालन समितिसगँ रहेको रकम रकमान्तर सम्बन्धमा बिषयहरूबारे बैठकमा छलफल गरिएको थियो । बैठकले यी विषयमा आवश्यक पहल, तथ्य संकलन तथा छिटो समाधानका लागि सम्बन्धित निकायहरूसँग समन्वय गर्ने निर्णय गरेको छ । बैठकले शिक्षकहरूको हकहितमा अघि बढ्न, आन्दोलनको प्रभावकारी व्यवस्थापन गर्न तथा संघ–संगठनको भूमिकालाई अझ सुदृढ बनाउन सबै तहका पदाधिकारीलाई सक्रिय रूपमा योगदान दिन आह्वान गरेको छ ।