नेचासल्यानका केही नागरिक राजनीतिक दल त्यागेर स्वतन्त्र बन्दै

मंसिर १२, सोलुखुम्बु । सोलुखुम्बुको नेचासल्यान गाउँपालिकाभित्रका केही स्थानीय नागरिकले राजनीतिक दल परित्याग गरी स्वतन्त्र नागरिक बनेको घोषणा गरेका छन् । हालको समसामयिक राजनीतिक अवस्था र दलहरूको गतिविधि जनहितविपरीत भइरहेको ठहर गर्दै उनीहरूले आफ्ना–आफ्ना पार्टी त्यागेर स्वतन्त्र रूपमा समाज सेवा र नागरिक सचेतनामा ध्यान केन्द्रित गर्ने बताएका छन् ।

नेचासल्यानका बुद्धिजीवी तथा भद्रभलाद्मीहरूको सहभागितामा भएको छलफलपछि उनीहरूले दलगत प्रतिबद्धता जनताको हितमा नलागेको आरोप लगाउँदै अब स्वतन्त्र रूपमा अगाडि बढ्ने साझा निर्णय गरेको जनाइएको छ । दलगत स्वार्थले राष्ट्रिय हितमा बाधा पुर्याइरहेको र जनताले अपेक्षा गरेको सुशासन नआएको उनीहरूको बुझाइ छ ।

राजनीतिक दल त्यागेर स्वतन्त्र भएको घोषणा गर्ने व्यक्तिहरूमा तेजकुमार कटेल, पुरुषोत्तम कटेल, धनप्रसाद कटेल, लिला शर्मा कटेल, मेघनाथ बास्तोला, एकराज शर्मा कटेल, मुक्ति कटेल, मदन कटेल, रामेश्वर सिंह कार्की र ललित कुमार ढुंगेल रहेका छन् । उनीहरूले अब कुनै पनि दलको संलग्नता बिना सामाजिक उत्तरदायित्व र स्थानीय विकासमा योगदान पु¥याउने प्रतिबद्धता जनाएका छन् । स्थानीयहरूका अनुसार हालै बढ्दो राजनीतिक निराशा, भ्रष्टाचार र दलगत झमेलाले धेरै नागरिकहरू स्वतन्त्र पहिचानतर्फ आकर्षित भइरहेका छन् ।