सगरमाथामा फहराईदै रेडियो एभरेष्टको लोगो

रेडियो एभरेष्टको लोगो अंकित व्यानर सगरमाथाको शिखरमा फहराइने भएको छ । एभरेष्ट मिडिया टेक प्रा.लि द्वारा संचालित रेडियो एभरेष्ट ९६.८ मेगाहर्जको लोगो अंकित व्यानर हिमाल आरोही राजेश मगरले सगरमाथाको शिखरमा फहराउनुहुने भएको हो ।

प्रा.लि.का संचालक समिति सचिव अशोक राईले विहिबार आरोही मगरलार्ई सल्लेरी स्थीत रेडियो एभरेष्टको स्टुडियोमा उक्त व्यानर हस्तान्तरण गर्नु भएको हो । उहाँले आरोही मगरलाई सगरमाथाको सफल आरोहणका लागि शुभकामना समेत व्यक्त गर्नुभयो । आरोही मगरको टिम सुरुमा ६ हजार मिटर अग्लो हिमाल लोबुचे बाट आरोहण सुरु गर्नेछ, भने मे को दोश्रो साता सगरमाथामा पाइला टेक्ने छ । सोहि अवसरमा रेडियो एभरेष्टको पहिचानका लागी उक्त व्यानर सगरमाथाको शिखरमा फहराइने भएको हो ।

आरोही मगरले परिक्षण प्रसारणको तयारीमा रहेको रेडियो एभरेष्टलाई सफलताको शुभकामना समेत व्यक्त गर्नुभएको छ ।

उहाँले भन्नुभयो, ‘मोफसलमा रेडियो एभरेष्ट उदाहरणीय बन्नसकोस्, यस लोगो सगरमाथाको शिखरमा फहराएरै फर्कने छु ।’

रेडियो एभरेष्टले २ हजार वाट क्षमतामा यही चैत्रको दोश्रो साताबाट परिक्षण प्रसारण सुरु गर्दै छ ।