रिडी पावर कम्पनीको हकप्रद शेयरमा आवेदन दिने आज अन्तिम दिन

[jeg_weather location=”Kathamndu” auto_location=”true” count=”4″ item=”show”]

हकप्रद शेयरका लागि रिडी पावरले माघ २२ गते बुकक्लोज गरेकाले माघ २१ गतेसम्म कारोबार गरी कायम रहेका शेयरधनीले हकप्रद शेयरमा आवेदन दिन सक्नेछन्।

यस हाइड्रोपावरको लगानी तथा व्यवस्थापनमा रहेको साझा पावर डेभलपमेन्ट कम्पनीको स्वामित्वमा रहने तल्लो बलेफि जलविद्युत आयोजना निर्माण गर्न र उक्त आयोजनामा स्वपुँजी व्यवस्थापन गर्न हकप्रद शेयर निष्काशन गर्न लागेको हो। हाल रिडी पावरको चुक्ता पुँजी १ अर्ब ५४ करोड ८९ लाख १ हजार २०० रुपैयाँ रहेको छ।

रिडी पावरको हकप्रद शेयर निष्काशन तथा बिक्री प्रबन्धकमा मुक्तिनाथ क्यापिटल रहेको छ। उक्त हकप्रद शेयरमा मुक्तिनाथ क्यापिटल र कम्पनीको केन्द्रीय कार्यालयबाट आवेदन दिन सकिन्छ। त्यस्तै, मुक्तिनाथ विकास बैंक र ग्लोबल आइएमई बैंकको तोकिएको शाखा कार्यालयबाट साथै धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो सेयरमार्फत पनि शेयर आवेदन दिन सकिनेछ।

[sharethis-reaction-buttons]