जेठ २६, सोलुखुम्बु । सोलुखुम्बुको सोताङ गाउँपालिकामा ९७ जनाको निः शुल्क रगत समूह परिक्षण गरिएको छ । शुक्रबार सोताङ गाउँपालिका वडा नम्बर ५ को आयोजनामा सोताङ प्राथमिक अस्पतालमा आयोजित शिविरमा ९७ जनाको परिक्षण गरिएको हो ।
एक बर्ष अगाडी वडामा रगत अभावकै कारण एक गर्भवति महिलाको मृत्यु भएको भन्दै यस्ता घटना घट्न नदिनको लागि शिविर आयोजना गरिएको सोताङ गाउँपालिका वडा नम्बर ५ का वडा अध्यक्ष मानविर राईले जानकारी दिनुभयो ।
धेरै नागरिकलाई आफ्नो रगत समूह कुन हो भन्ने थाहा नहुनुका साथै परीक्षण समेत नगर्ने पाइएको हुदाँ कुनै घटना हुदा वा विरामी पर्दा थप रगतको आवश्यकता पर्ने भएकाले अगाडी नै रगत परिक्षण गरिएको वडा अध्यक्ष राईले उल्लेख गर्नुभयो । संकलन गरिएको सबै नागरिकको रक्त समूहको तथ्याक संकलन गरी डायरी तयार गरिएको छ । अस्पतालमा ब्लड बैंक नहुदाँ बिरामीलाई अन्य जिल्ला पठाउनु पर्ने बाध्यता रहेको डा. विकेश श्रेष्ठले बताउनुभयो ।
Discussion about this post