माघ २५, सोलुखुम्बु । राष्ट्रिय स्वतन्त्र पार्टी (रा.स्व.पा.) सोलुखुम्बु जिल्ला कार्यसमितिले आगामी संघीय सांसद निर्वाचनलाई लक्षित गर्दै ‘ऋषिधन अभियान सचिवालय’ गठन गरेको छ । २०८२ साल माघ २४ गते शनिबार सम्पन्न जिल्ला कार्यसमितिको बैठकले पार्टी सचिव तथा सम्भावित उम्मेदवार ऋषिधन थुलुङ राईको अध्यक्षतामा सचिवालय गठन गर्ने निर्णय सर्वसम्मत रूपमा पारित गरेको हो ।
सचिवालयले निर्वाचन अभियानलाई व्यवस्थित, प्रभावकारी तथा परिणाममुखी बनाउन रणनीतिक योजना निर्माण, संगठन परिचालन तथा समन्वयको जिम्मेवारी सम्हाल्ने जनाएको छ। गठित सचिवालयमा अमिर लामा, रोशन कट्टेल, विवेक बाबु लामिछाने, नर्विन मगर, धनराज कार्की र लोकेन्द्र बस्नेत सदस्यका रूपमा चयन भएका छन् । सचिवालय गठनसँगै पार्टीले सोलुखुम्बु जिल्लामा संगठन सुदृढीकरण, जनसम्पर्क विस्तार तथा निर्वाचन अभियानलाई थप गतिशील बनाउने विश्वास व्यक्त गरेको छ ।
Discussion about this post