अन्नप्रासनमै ५० लाखको बीमा उपहार : जुम्ल्याहा छोरीको नाममा बीमालेख हस्तान्तरण

फागुन १, सोलुखुम्बु । व्याटमिन्टन वल्र्ड फेडेरेसनका एम्पायर अर्जुन श्रेष्ठ तथा प्रदेश स्तरीय व्याटमिन्टन खेलाडी पूजा बुढाथोकी मगरले आफ्ना जुम्लाहा छोरी एरियाना र आरियाना श्रेष्ठको सुरक्षित भविष्य तथा उच्च शिक्षाका लागि बीमालेख खरिद गरेका छन् । नेपाल लाइभ इन्स्योरेन्स क.लिंको ‘केटाकेटी सुनौलो भविष्य बीमा योजना’ ५६ अन्तर्गत दुवै छोरीहरुको नाममा बीमाङक् रकम २५/२५ लाख रुपैयाँका दरले जम्मा ५० लाख रुपैयाँ बराबरको जीवन बीमा गरिएको हो ।

बीमालेख हस्तान्तरण नेपाल लाइभ इन्स्योरेन्स कम्पनी लिमिटेड सोलुखुम्बु उपशाखा कार्यालयका प्रमुख प्रेम कुमार राई र बरिष्ठ ऐजेन्सी म्यानेजर तथा एमडीआरटी ल्हाक्पा छिरिङ वि.क घिमिरेले हस्तान्तरण गर्नुभएको हो । यस योजना अन्तर्गत बालबालिकाको उच्च शिक्षा र सुनिश्चित अविष्यको लागि गरिने र प्रस्तावकको ५० लाखको बिमालेखमा १ करोड बराबरको जोखिम बहन हुने कार्यालय प्रमुख राईले बताउनुभयो ।

आजको समयमा दिनप्रतिदिन प्रविधि र सुविधा बढीरहेको बेला त्यतिनै मात्रामा जोखिम पनि बढीरहेको छ । यी यस्ता घटना मानव जीवनमा जुनसुकै पनि प्रकारको जुनसुकै बेला पनि घटना घटन सक्छ । यी घटनाहरुबाट हुन सक्ने सम्भावित आर्थिक क्षतिलाई न्यूनीकरण गर्ने एक मात्र उपाय बीमा हो । त्यसैले सम्पूर्ण नागरिक समुदायलाई बैलैमा आफ्नो अविष्यको आर्थिक सुनिश्चितताको चेतनाको लागि आ आफ्नो आयस्रोतको आधारमा बीमालेख खरिद गरी जोखिम हस्तान्तरण गर्नु कम्पनीले आग्रह गरेको छ ।