उज्यालो नेपाल पार्टी सोलुखुम्बु–काठमाडौं सम्पर्क समिति गठन

फागुन ९, सोलुखुम्बु । उज्यालो नेपाल पार्टीले सोलुखुम्बु–काठमाडौं सम्पर्क समिति गठन गरेको छ। काठमाडौंको चुच्चेपाटी मा आयोजित करिब ३ घण्टा लामो छलफलपछि समिति गठन गरिएको हो।

छलफलमा पार्टीका संघीय कमिटी सदस्य लाक्फुटी शेर्पा को प्रमुख आतिथ्यता रहेको थियो। विभिन्न संगठनात्मक विषयमा गहन विमर्श गर्दै सोलुखुम्बुबाट काठमाडौंमा बसोबास गर्ने कार्यकर्ता तथा समर्थकहरूलाई समेट्ने उद्देश्यले सम्पर्क समिति गठन गरिएको जनाइएको छ।

नवगठित सोलुखुम्बु–काठमाडौं सम्पर्क समितिको अध्यक्षमा लाक्पा गेलु शेर्पा चयन हुनुभएको छ। उहाँ दुधकुण्ड टुर एण्ड ट्राभल्सका संस्थापक डाइरेक्टरसमेत हुनुहुन्छ। शेर्पाको अध्यक्षतामा १३ सदस्यीय समिति गठन गरिएको जानकारी दिइएको छ।

नवनिर्वाचित अध्यक्ष शेर्पाले पार्टीको संगठन सुदृढ गर्दै सोलुखुम्बु र काठमाडौंबीच समन्वय बढाउने प्रतिबद्धता व्यक्त गर्नुभयो। समितिले आगामी दिनमा पार्टीको नीति तथा कार्यक्रमलाई जनस्तरसम्म पुर्‍याउने, सदस्यता विस्तार गर्ने र विभिन्न रचनात्मक कार्यक्रम सञ्चालन गर्ने योजना बनाएको जनाएको छ।