पालिकामै धेरै कर तिर्ने खुम्बु विजुली कम्पनी सम्मानित 

फागुन ९, सोलुखुम्बु । खुम्बु पासाङ ल्हामु गाउँपालिका सोलुखुम्बुलाई सबैभन्दा बढी कर बुझाउने विद्युत कम्पनीलाई गाउँपालिकाले सम्मानित गरेको छ ।  गत आर्थिक वर्ष २०८०/८१ उर्जा सेवा क्षेत्रमा पालिकामै बसैभन्दा बढी कर दाखिला गर्ने खुम्बु विजुली कम्पनीलाई सम्मानित गरिएको हो ।  व्यावसायिक पारदर्शिता र राज्य प्रतिको जिम्मेवारी बहन गर्दै आफ्नो क्षेत्रमा अग्रणी भूमिका निर्वाह गरे बापत कम्पनीलाई यो सम्मान प्रदान गरिएको गाउँपालिकाले  जानकारी दिएको छ ।

राष्ट्रिय कर दिवस २०८२ को अवसरमा आयोजित एक औपचारिक कार्यक्रमका बीच गाउँपालिकाका लेखा अधिकृत चेतनाथ कट्टेलले कम्पनीका तर्फ मिङ्मा शेर्पालाई सम्मान पत्र प्रदान गर्नुभएको छ ।  खुम्बु विजुली कम्पनी अन्तर्गत २ वडा हाइड्रो पावर सञ्चालनमा रहेका छन् ।  ० दशमलव ६३० मेगावाटको थामे खोलामा सञ्चालित हाइड्रो र ० दशमलव १८३ मेगावाटको नाम्चे खोला मिनि हाइड्रो गरि २ वटा हाइड्रो सञ्चालनमा छन् । २०५२ सालमा स्थापित यो कम्पनीले जिल्लाको माथिल्लो क्षेत्रको उर्जा आपुर्ति क्षेत्रमा निकै योगदान गरिरहेको छ ।