उदपयुरमा बस दुर्घटना, सवार १५ जना घाइते

फागुन ११, उदयपुर संवाददाता । उदयपुरको उदयपुरगढी गाउँपालिका–७ अँधेरी जोगी टोलस्थित मदन भण्डारी लोकमार्गमा ओखलढुङ्गे डिलक्स बस दुर्घटना भएको छ । कटारीबाट गाइघाट जाँदै गरेको बा २ ख ६२५७ नम्बरको बस दुर्घटना भएको हो । दुर्घटनामा सहचालकसहित १५ जना घाइते भएको जिल्ला प्रहरी कार्यलय उदयपुरले जनाएको छ ।

प्रहरीका अनुसार घाइतेहरूमा त्रियुगा नगरपालिका–११ का २२ वर्षीय मणिका मगर, कटारी नगरपालिका–४ का ३५ वर्षीय अनिता चौधरी, उदयपुरगढी गाउँपालिका– ७ का ७३ वर्षीय सोममाया मगर, ताप्ली गाउँपालिका–५ का ४० वर्षीय प्रकाश भुजेल, त्रियुगा नगरपालिका–७ चुहाडेका २१ वर्षीय रेशिका बस्नेत, रौतामाई गाउँपालिका–७ का १७ वर्षीय तिलक बस्नेत, उदयपुरगढी गाउँपालिका टाडेका १० वर्षीय दिपेश तामाङ, कटारी नगरपालिका–४ १९ वर्षीया पवित्रा श्रेष्ठ छिन्। त्यस्तै त्रियुगा नगरपालिका–५ कि २० वर्षीया रेश्मा बस्नेत, कटारी नगरपालिका–२ गोलपार्ककी ६० वर्षीय सोममाया परियार गम्भीर घाइते छिन्। त्यस्तै बसका सहचालक कटारी नगरपालिका–३ बस्ने २७ वर्षीय नितेश बुढाथोकी, कटारी नगरपालिका–५ का ७८ वर्षीय दलबहादुर तामाङ, कटारी–४ का १५ वर्षीय प्रेम तामाङ, ताप्ली गाउँपालिका–५ रूपाटारका २८ वर्षीय सुवास नेपाली र कटारी–४ का १५ वर्षीय सुजन तामाङ छन् ।

बसमा चालकसहित कुल १६ जना सवार थिए। बसका चालक कटारी–४ का ४५ वर्षीय बिक्रम राईलाई प्रहरीले नियन्त्रणमा लिएको छ भने १५ जना घाइतेहरूको उद्धार गरी उपचारका लागि जिल्ला अस्पताल उदयपुर पठाइएको जिल्ला प्रहरी कार्यलय उदयपुरले जनाएको छ ।