तिङ्लामा प्लान्ट–फर–द–प्लानेट एकेडेमी ,६० विद्यार्थी बने जलवायु न्यायका दूत

फागुन १५, साेलुखुम्बु ।  तल्लो सोलु हाइड्रो पावरले तिङ्ला स्थति सिंहकाली आधारभुत विदालयमा प्लान्ट फर द प्लानेट एकेडेमी अन्तर्गत एक दिने जलवायु शिक्षा तथा युवा शसक्तीकरण कनार्यक्रम सम्पनन गरेको छ । ६० जना विदार्थीको सहभागीतामा कम्पनीले कार्यक्रम सम्पन्न गरेको हो । तल्लो सोलु जलविद्युत आयोजनाको सहयक प्रबन्धक श्री सुदीप घिमिरे ज्यूले जानकारी गराउनु भयो । कार्यक्रमको सुरुवात सहभागीबीच सहकार्य र आपसी विश्वास अभिवृद्धि गर्ने अन्तरक्रियात्मक गतिविधिबाट गरिएको थियो। त्यसपछि Now We Children Save the World शीर्षकमा सोलु हाइड्रोपावर लिमिटेडका श्री सुदीप घिमिरेले प्रमुख प्रस्तुती दिएका थिए । प्रस्तुतिमा कार्बन डाइअक्साइड का स्रोत, विश्व तापक्रम वृद्धि, प्रकाश संश्लेषण, जलवायु न्याय र प्लान्ट–फर–द–प्लानेटको अभियानलाई सरल, रोचक र बालमैत्री शैलीमा प्रस्तुत गरिएको थियो ।

प्लान्ट(ट) गेममार्फत विद्यार्थीहरूले मेयर, जलवायु न्याय दूत तथा जलवायु परिवर्तनबाट प्रभावित नागरिकजस्ता भूमिका निर्वाह गर्दै जलवायु सम्बन्धी निर्णय प्रक्रिया, संवाद र सरोकारवालाको जिम्मेवारीलाई व्यवहारिक रूपमा बुझ्ने अवसर पाए। साथै सार्वजनिक वक्तृत्वकला सत्रले विद्यार्थीहरूको आत्मविश्वास र प्रस्तुति क्षमता अभिवृद्धि गर्न सहयोग पु¥यायो भनि पुर्ण विश्वास रहेको बाताउनु भयो । कार्ययोजना सत्रमा विद्यार्थीहरूलाई समूहमा विभाजन गरी विद्यालयस्तरमै लागू गर्न सकिने जलवायु समाधानका व्यावहारिक योजनाहरू तयार गराइयो। प्रत्येक समूहले स्पष्ट लक्ष्य, जिम्मेवारी र समयसीमासहित आफ्ना योजना प्रस्तुत गरे । समापन समारोहमा सहभागीहरूलाई प्रमाणपत्र प्रदान गर्दै औपचारिक रूपमा जलवायु न्याय दूत घोषणा गरे। सहभागी विद्यार्थीहरूलाई प्लान्ट–फर–द–प्लानेटको टिसर्ट प्रदान गरियो।

कार्यक्रमको अन्त्यमा नव नियुक्त जलवायु न्याय दूतहरूले विद्यालय परिसरमा करिब ७ वटा बिरुवा रोपण गर्दै संरक्षण गर्ने प्रतिबद्धता व्यक्त गरे। यस एकेडेमीले तिङ्लामा नयाँ पुस्तालाई जलवायु नेतृत्वतर्फ उन्मुख गराउँदै स्थानीय तहबाटै दिगो भविष्य निर्माण गर्न सकिने सशक्त सन्देश दिएको सहयक प्रबन्धक ज्यूले जानकारी गराउनु भयो ।