उदयपुरमा जबरजस्ती करणीको आरोपमा एक जना पक्राउ

चैत्र २, सोलुखुम्बु । उदयपुर जिल्लामा एक ३८ वर्षीया महिलामाथि जबरजस्ती करणी गरेको आरोपमा एक पुरुष पक्राउ परेका छन्। पक्राउ पर्नेमा कटारी नगरपालिका–५ भोर्लेका ३५ वर्षीय भेष बहादुर श्रेष्ठ रहेका छन्। प्रहरीले दिएको जानकारीअनुसार श्रेष्ठले ती महिलामाथि जबरजस्ती गरेको भन्ने सूचना प्राप्त भएपछि इलाका प्रहरी कार्यालय कटारीबाट खटिएको प्रहरी टोलीले उनलाई आइतबार साँझ नियन्त्रणमा लिएको हो।

घटनापछि पीडित महिलाले प्रहरीमा उजुरी दिएपछि प्रहरीले तत्काल खोजी गरी श्रेष्ठलाई पक्राउ गरेको जनाएको छ। हाल उनलाई इलाका प्रहरी कार्यालय कटारीको हिरासतमा राखी थप अनुसन्धान भइरहेको प्रहरीले जनाएको छ। घटनाबारे थप विवरण संकलन भइरहेको तथा कानुनी प्रक्रिया अगाडि बढाइएको प्रहरीले जनाएको छ।