सोलुमा पनि अर्को हप्ताबाट आधा सिलिण्डर ग्याँसको वितरण गरिने

चैत्र ४, सोलुखुम्बु । हिमाली जिल्ला सोलुखुम्बुमा प्रशाुनले आगामी हप्ता देखी आधा सिलिण्डर ग्यास वितरण गर्ने गरि तयारी गरिरहेको छ । सोलुखुम्बु जिल्लामा हाल ग्यासको मौज्दात प्रशस्त नभए पनि चरम अभावको स्थिति भने सिर्जना भइनसकेकाले केही समय पुरा ग्यास विकृ वितरणको व्यवस्था मिलाईएको हो । उपभोक्ताहरूको मागलाई मध्यनजर गर्दै प्रशासनले जिल्लामा खाना पकाउने ग्यास तथा अन्य इन्धनको अभाव हुन नदिन उद्योग वाणिज्य संघसँग निरन्तर समन्वय गरिरहेको सहायक प्रमुख जिल्ला अधिकारी देवेन्द्र सुवेदीकाले जानकारी दिनुभयो ।

बजारमा कृत्रिम अभाव तथा कालोबजारी हुन नदिन प्रशासनले सूक्ष्म संयन्त्रमार्फत निरन्तर अनुगमन गरिरहेको उहाँको भनाई छ । जिल्लामा ग्यासको उपलब्धता न्यून देखिएकाले यसलाई सन्तुलनमा राख्न नेपाल आयल निगमको निर्णयअनुसार आगामी हप्तादेखि सोलुखुम्बुमा पनि आधा सिलिन्डर ग्यास वितरण गर्ने तयारी भएको छ । यसरी आधा सिलिन्डर ग्यास ल्याउँदा सर्वसाधारणको भान्सासम्म इन्धन पु¥याउन सकिने विश्वास लिएको छ ।

सहायक प्रमुख जिल्ला अधिकारी सुवेदीका अनुसार अहिलेसम्म सोलुखुम्बुमा कालोबजारी सम्बन्धी कुनै पनि औपचारिक उजुरी परेको छैन। यद्यपि, आधा सिलिन्डर ग्यास ढुवानी गर्दाको खर्च र पूरा सिलिन्डरको ढुवानी खर्च लगभग उस्तै हुने प्राविधिक कठिनाइका कारण उपभोक्ताले आधा ग्यास खरिद गर्दा मूल्यमा केही सामान्य हेरफेर हुन सक्ने सम्भावना रहेको छ ।