सोलुखुम्बुमा मोटरसाइकल दुर्घटना, २  घाइते 

चैत्र १०, सोलुखुम्बु । सोलुखुम्बुमा मोटरसाइकल दुर्घटनाबाट २ जना घाइते बनेका छन् । जिल्लाको सोलुदुधकुण्ड नगरपालिका वडा नम्बर ६ स्थित छुल्यामुमा मोटरसाइकल दुर्घटनामा परेको हो । जोरबौद्ध बाट सल्लेरी आउँदै गरेको को ३४ प ११५४ नम्बरको मोटरसाइकल छुल्यामुमा दुर्घटनामा परेको जिल्ला ट्राफिक प्रहरी कार्यालय सोलुखुम्बुले जनाएको छ ।  कार्यालयका सूचना अधिकारी चन्द्र बस्नेतका अनुसार २ जना सवार मोटरसाइकल दुर्घटना पछि घाइतेहरूलाई उपचारका लागी जिल्ला फाप्लु अस्पताल पठाइएको जनाइएको छ ।  यद्यपि चालक र पछाडी बस्ने दुबै जनाको पहिचान बाँकी रहेको छ ।  मङ्गलबार विहान १०ः ४० तिर दुर्घटना भएको भन्ने प्रारम्भिक जानकारी स्थानीयहरूबाट प्राप्त भएको छ ।