चैत्र ८, सोलुखुम्बु । राष्ट्रिय स्वतन्त्र पार्टी रास्वपा सोलुखुम्बुले सोलु काठमाण्डौ सम्पर्क विभागको अध्यक्षमा लक्ष्मण कार्कीलाई चयन गरेको छ । सङ्गठन विस्तारको क्रमलाई अघि बढाउदै गएको दलले सोलुखुम्बुबाट काठमाण्डौ गएर बसोबास गर्दै आइरहेका विभिन्न पेशा, व्यवसायी तथा जिल्लावासीलाई एकताबद्ध गर्नका लागी उक्त विभाग पुनर्गठन गरेको हो । सङ्गठन विभाग सँगै पार्टीले ¥याट सङ्गठन समेत गठन गरेको छ ।
उक्त सङ्गठनको अध्यक्षको जिम्मेवारी उद्धव बस्नेतलाई सुम्पिएको छ । विघटित प्रतिनिधि सभामा चौथो दलको रुपमा रहेको रास्वपा अहिले १ सय ८२ सिट सहित ऐतिहासिक पहिलो दलका रुपमा विस्तार भएको छ । यद्यपि सोलुखुम्बुमा भने जित निकाल्न नसकेपनि उसले निर्णायक मत प्राप्त गरेको थियो ।
यस पटक सङ्गठन अभावमा जित निकाल्न नसकिएको निष्कर्ष निकाल्दै रास्वपाले जिल्लामा रास्वपा सङ्गठन विस्तारको क्रमलाई तिव्र रुपमा अघि बढाएको हो । काठमाण्डौमा गठित यि दुई सङ्गठनहरूले जिल्ला र केन्द्रबीचको सम्बन्धलाई जनस्तरसम्म पु¥याउने र आगामी राजनीतिक कार्यदिशालाई सफल पार्न सक्रिय भूमिका खेल्ने अपेक्षा राखिएको जनाइएको छ ।
Discussion about this post