रेडपान्डा संरक्षणका लागी सोलुखुम्बुमा सरोकारवाला सँग अन्तरकृया 

चैत्र १२, सोलुखुम्बु । सोलुखुम्बुमा रेड पाण्डा हाब्रे संरक्षणका लागी काम गरिरहेको हिमाली स्वास्थ्य तथा वातावरण सेवा सोलुखुम्बुले जिल्ला स्तरीय सरोकारवालाहरूसँग गोष्ठी गरेको छ ।  संस्थाले यस वर्ष २०२६ मा गर्न लागेका कामहरूको जानकारी तथा सम्पन्न गरिएका कामहरूको समीक्षा गोष्ठी सम्पन्न गरेको हो ।

 लोपउन्मुख वन्यजन्तु रेडपान्डाका संरक्षणका लागी विगत ३ वर्षदेखी कार्यक्रम सञ्चालन गर्दै आइरहेको यस संस्थाले सोलुखुम्बुमा वार्षिक रुपमा विभिन्न कार्यक्रमहरू गर्दै आइरहेको जनाइएको छ ।  संस्थाका अध्यक्ष निमा तेण्डुप शेर्पाको अध्यक्षता एवं जिल्ला समन्वय समिति समोलुखुम्बुका प्रमुख कृष्ण प्रसाद निरौलाको प्रमुख आतिथ्यमामा सम्पन्न एक कार्यक्रमका बीच संस्थाले कार्यक्रम कार्यान्वयन भइरहेका पालिकामा रेडपान्डाका बासस्थान संरक्षण तथा स्कृनीङसँग सम्बन्धित कामहरू भइरहेको जनाइएको छ ।  

कार्यक्रममा जिसस प्रमुख निरौलाले वन्यजन्तु संरक्ष्ण आँफैमा मानिसको प्राकृतिक जिम्मेवारी भएको बताउँदै रेडपान्डाका स्वभाव र अवस्थालाई ध्यानमा राख्दै नतिजामुखी काम गर्नुपर्ने आवश्यकताका रहेको औँल्याउनु भयो ।  उहाँले सोलुखुम्बुमा रेडपान्डा छ भन्ने कुरा यकिन भएको भएपनि कति छ भन्ने कुरा समेत एकिन गरेर संरक्षणको काम गर्नुपर्नेमा जोड दिनुभएको हो ।  रेडपाण्डा नेटवर्क नेपालका कार्यक्रम संयोजक अनिस ढकालले सोलुखुम्बुमा रेडपान्डाका बासस्थान रहेको जानकारी दिँदै त्यसको अवस्थिति र अवस्था सम्बन्धी जानकारी लिने काम भइरहेको बताउनुभएको थियो ।

उहाँले गत वर्षहरुमा क्यामरा ट्राकिङको काम भएको र यो वर्ष समेत हुने उल्लेख गर्नुभयो । उहाँले गत वर्ष २ वटा सामुदायिक वनमा क्यामरा राखेर ट्रयाकिङ गरिएको भन्दै आगामी वर्ष अन्य वनहरुमा यो काम गरिने बताउनुभयो । उहाँले यो वर्ष रेडपान्डाका बासस्थान पत्ता लगाएर त्यहाँ वृक्षारोपण गरिने, कुकुरहरूलाई रेबिज विरुद्धको खोप लगाइने लगायतका काम गरिने उल्लेख गर्नुभयो ।  बार्यक्रममा जिल्ला प्रहरी कार्यालय सोलुखुम्बुका सूचना अधिकारी विकास राई, जिल्ला वन कार्यालयका प्रमुख, सोलुदुधकुण्ड नगरपालिकाका प्रमुख लगायतको उपस्थीति रहेको थियो ।