चैत्र १४, सोलुखुम्बु । पार्टी अध्यक्ष एवं पूर्व प्रधानमन्त्री केपी शर्मा ओली पक्राउ परेपछि नेकपा एमाले सोलुखुम्बुले मसाल बालेर विरोध प्रदर्शन गरेको छ । एमाले सोलुखुम्बुका केही कार्यकर्ताहरूको उपस्थितिमा सदरमुकाम सल्लेरीमा मसाल बालेर विरोध प्रदर्शन गरेका हुन ।
सोलुदुधकुण्ड नगरपालिका वडा नम्बर ५ सल्लेरीका वडा अध्यक्ष एवं एमाले नेता मिङ्मार तामाङ सहितका केही नेता कार्यकर्ताहरूले जिल्ला प्रशासन कार्यालय सोलुखुम्बु अगाडी नारावाजी गर्दै मसाल बालेर नारा लगाएका थिए । उनीहरूले केपीओली रिहा गर, गृहमन्त्री राजीनामा दे, एमाले जिन्दाबाद जस्ता नारा लगाएका थिए ।
नाराबाजीका क्रममा मसाल बालेर प्रदर्शन गरिएपछि प्रहरीले उक्त मसाल खोसेर निभाइ दिएको थियो । बालेन नेतृत्वको सरकारले जेन जी आन्दोलनको जाँचबुझ गर्न बनेको आयोगको निर्णय कार्यान्वयन गर्दै तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई शनिवार बिहान निवासबाटै पक्राउ गरिएको थियो ।
Discussion about this post