ओली पक्राउको विरोध गर्दै एमाले सोलुले पठायो प्रधानमन्त्रीलाई विरोध पत्र 

चैत्र १५, सोलुखुम्बु । नेकपा एमाले सोलुखुम्बुले अध्यक्ष केपी शर्मा ओली पक्राऊ परेको विषयमा विरोध जनाउँदै जिल्ला प्रशासन कार्यालय मार्फत सरकारलाई विरोध पत्र पठाएको छ । जिल्ला प्रशासन कार्यालय सोलुखुम्बु मार्फत एमालेले प्रधानमन्त्रीको कार्यालयलाई विरोधपत्र पठाएको हो ।

शनिवार बिहान सरकारले जेनजी आन्दोलनमा क्रममा भएको हत्यालाई लिएर एमाले अध्यक्ष ओली र गृहमन्त्री लेखकलाई पक्राउ गरि अनुसन्धान सुरु गरेको छ । उक्त पक्राउलाई पूर्वाग्रही लोकतान्त्रीक मूल्य मान्यता विपरीत भएको भन्दै एमाले सोलुखुम्बुका अध्यक्ष डुफ कुमार बास्तोलाद्धारा हस्ताक्षरित विरोधपत्र सीडीओ लिला कुमारी केसी पाण्डे मार्फत प्रधानमन्त्री कार्यालय पठाइएको हो ।

ज्ञापन पत्रमा एमालेले कार्की आयोगको प्रतिवेदन र स्वयं आयोगका प्रति असहमती भएको र सर्वोच्च अदालतले समेत उक्त आयोगप्रति प्रश्न उठाएको भन्दै उक्त आयोगको प्रतिवेदन र ओली पक्राउ न्याय सम्मत नभएको जिकिर एमालेले गरेको छ ।  एमालेले सर्वोच्चका हालका प्रधानन्यायाधीशको अध्यक्षतामा अर्को आयोग गठन गरि पुनः जाँचबुझ गराउन समेत माग गरेको छ ।  एमालेले विरोधका ४ कार्यक्रम तय गरेकोमा आज दोश्रो कार्यक्रम स्वरुप विरोध पत्र प्रधानमन्त्रीलाई पठाएको हो ।