एसइई सम्पन्न, नम्बर अङ्कन पनि सम्पन्न, नतिजाका लागी उत्तरपुस्तिका काठमाण्डौ लगिँदै

चैत्र ३०, सोलुखुम्बु । हिमाली जिल्ला सोलुखुम्बुमा माध्यमिक शिक्षा परीक्षा सफलता पूर्वक सम्पन्न भएको छ ।  गत १९ गतेबाट सुरु भएको परीक्षा जिल्लाका १४ वटा परीक्षा केन्द्रमा सफलता पूर्वक सम्पन्न भएको हो ।  शिक्षा विकास तथा समन्वय इकाई सोलुखुम्बुका अनुसार जिल्लाबाट १५ सय ३६ कुल विद्यार्थी परीक्षाका लागी सहभागी भएका थिए । यस पटक परीक्षा केन्द्रमै उत्तरपुस्तीका जाँच्ने सरकारको निर्णय समेत जिल्लामा सफलता पूर्वक कार्यान्वयन भएको बताइएको छ ।

 विद्यार्थीका उत्तरपुस्तिका परीक्षा केन्द्रमै जाँच गरेर नतिजा प्रकाशनका लागी काठमाण्डौ लगिएको छ ।  इकाईका प्रमुख पुण्यराज डङ्गोलका अनुसार करिव ३ सय विषयगत शिक्षकहरू खटाएर उत्तरपुस्तिका जाँच गराइएको थियो ।  परीक्षा सम्पन्न भएपछि सोही दिननै सम्पूर्ण उत्तरपुस्तिकाहरू सोही केन्द्रमा जाँच गरिएको केन्द्राध्यक्ष राजकुमारी राईले बताउनुभयो ।  

उहाँले सरकारको निर्णयले ढिला सुरु हुने शैक्षिक सत्र अव चाँडै सुरु हुँदा सकारात्मक प्रभाव पर्ने अपेक्षा गरेको बताउनुभयो । यद्यपि एकासी कुनै तयारी विना ठाडो आदेश स्वरुप आएको जिम्मेवारी बहन गर्न केही नीतिगत कठिनाइहरू पनि उत्तिकै सामना गनुृपरेको उहाँका गुनासो छ ।