वैशाख २२, साेलुखुम्बु । कोरियामा “को सबैभन्दा राम्रोसँग सुत्न सक्छ?” भन्ने अनौठो तर सन्देशमूलक प्रतियोगिता आयोजना गरिएको छ। गहिरो निद्रामा पुग्न सक्ने सहभागीले पुरस्कार जितेका छन्।
दक्षिण कोरियाको राजधानी सियोलस्थित हान नदी किनारमा भएको “पावर नाप” प्रतियोगितामा सयौँ युवाहरूको सहभागिता थियो। सहभागीहरूलाई सुत्ने राजकुमार वा राजकुमारी जस्तो पोशाक लगाएर, थकित अवस्थामा आउनुपर्ने शर्त राखिएको थियो। पार्कमै सुताइएका उनीहरूको मुटुको धड्कन मापन गरी कति गहिरो निद्रा पुगे भन्ने आधारमा विजेता छनोट गरिएको थियो।
रोचक कुरा के भने, अत्यधिक कामको दबाबका कारण दक्षिण कोरिया विश्वकै कम सुत्ने देशमध्ये पर्छ। यही वास्तविकतालाई देखाउँदै यस्तो प्रतियोगिता आयोजना गरिएको हो। यसपटक ८० वर्षका एक वृद्धले सबैभन्दा गहिरो निद्रा लिएर उपाधि जिते भने ३७ वर्षीय कार्यालय कर्मचारी उपविजेता बने।
तथ्य: सामान्यतया एक वयस्क मानिसलाई दैनिक करिब ७–८ घण्टा निद्रा आवश्यक पर्छ, तर दक्षिण कोरियामा धेरैले ५–६ घण्टामै सीमित रहन्छन्।
यो प्रतियोगिताले एउटै सन्देश दिन्छ—व्यस्त जीवनबीच पनि पर्याप्त निद्रा लिनु स्वास्थ्यका लागि अनिवार्य छ।
Discussion about this post