सगरमाथा आरोहणको इतिहासमा रेकर्ड, सबैभन्दा बढीले यो वर्ष लिए अनुमती

बैशाख ५, साेलुखुम्बु ।  यस वर्ष सगरमाथा आरोहणको रेकर्ड हाल सम्मकै उच्च बनेको छ । इतिहासमा यस वर्ष (सन् २०२६) नयाँ रेकर्ड कायम भएको हो । यो रेकर्ड सगरमाथा आरोहणका निम्ति अनुमति प्राप्त गर्नेको संख्याले राखेको हो । यसअघि सबैभन्दा ठूलो संख्यामा सगरमाथा आरोहणको लागि सन् २०२३ मा ४७८ जनाले अनुमति लिएका थिए । सन् १९५३ देखि सगरमाथा आरोहण सुरु भएको हो ।

यो ७३ वर्षको इतिहासमा सगरमाथा आरोहणका लागि यस वर्ष सबैभन्दा ठूलो संख्याले अनुमति लिएका हुन् । निर्देशक गौतमका अनुसार, यस सिजनमा सगरमाथा आरोहणका लागि ५० टिममा ४९२ जनाले अनुमति लिएका छन् । अनुमति लिनेमा १०५ जना महिला र ३८७ जना पुरुष छन् । सगरमाथा आरोहण गर्नको लागि अनुमति प्रदान गर्ने क्रममा एक अर्ब सात करोड ४० लाख ९५ हजार ४७५ रुपैयाँ राजस्व संकलन भएको छ ।

३० वटा हिमाल आरोहणका लागि ११ सय ३४ ले लिए अनुमति पर्यटन विभागका अनुसार, यस वर्ष बसन्त ऋतु (स्प्रिङ सिजन) मा नेपालका ३० वटा हिमाल आरोहण गर्न एक हजार १३४ जनाले अनुमति लिएका छन् । यसरी अनुमति लिनेमा २७४ जना महिला र ८६० जना पुरुष छन् । विभागका अनुसार, ३० वटा हिमाल आरोहणको लागि अनुमति दिँदा एक अर्ब २४ करोड ४१ लाख २१ हजार ९५४ रुपैयाँ राजस्व संकलन भएको छ ।