सोलुखुम्बुमा ‘ई–पेन्सन सेवा’ सुरु, पहिलो सेवाग्राहीलाई तामाङ्गलाई पत्र हस्तान्तरण

बैशाख २६, सोलुखुम्बु । हिमाली जिल्ला सोलुखुम्बु मा समेत ई–पेन्सन सेवा औपचारिक रुपमा सुरु भएको छ । वैशाख २५ गतेदेखि कोष तथा लेखा नियन्त्रक कार्यालय, सोलुखुम्बु मार्फत सेवा सञ्चालनमा आएको हो । सेवाको पहिलो सेवाग्राहीका रूपमा भेटेरिनरी अस्पताल तथा पशु सेवा विज्ञ केन्द्र, सोलुखुम्बु बाट सेवा निवृत्त पशु विकास अधिकृत अधिकृतस्तर आठौं तहका भिमलाल तामाङलाई निवृत्तभरण अधिकारपत्र हस्तान्तरण गरिएको कार्यालयले जनाएको छ ।

राष्ट्रिय किताबखाना ९निजामती० का महानिर्देशक श्रवणकुमार पोखरेलले सामाजिक सञ्जालमार्फत सोलुखुम्बुबाट पहिलो पटक ई–पेन्सन सेवा प्राप्त गर्ने कृतीमानी ई–पेन्सनर बन्न सफल तामाङलाई बधाई दिँदै यस सेवाले काठमाडौं धाउनुपर्ने झन्झट, कागजी प्रक्रिया तथा अनावश्यक हैरानी अन्त्य गर्ने बताएका छन् ।

उनले “अनुहार बिनै सेवाू को अवधारणाअनुसार ई–सेवा व्यवस्थापनमा सहकार्य गर्ने कोष तथा लेखा नियन्त्रक कार्यालय सोलुखुम्बुको टोलीलाई समेत धन्यवाद व्यक्त गरेका छन् । राष्ट्रिय किताबखाना (निजामती) ले २०८२ चैत ६ गतेबाट औपचारिक रूपमा ई–पेन्सन सेवा सुरु गरेको थियो । उक्त सेवाले अब निवृत्त कर्मचारीलाई डिजिटल माध्यमबाट सहज रूपमा पेन्सनसम्बन्धी सेवा प्राप्त गर्न सहयोग पुग्ने अपेक्षा गरिएको छ ।