साेलु नेचाका ढुंगाना राष्ट्रिय चलचित्र पत्रकारिता पुरस्कारबाट पुरस्कृत

जेठ ८, सोलुखुम्बु । नेपाली चलचित्र पत्रकारिता क्षेत्रमा सक्रिय योगदान पु¥याएको भन्दै पत्रकार सुमन ढुंगानालाई “राष्ट्रिय चलचित्र पत्रकारिता प्रोत्साहन पुरस्कार–२०८३” बाट पुरस्कृत गरिएको छ । । चलचित्र पत्रकार संघ नेपाल को २७ औँ वार्षिकोत्सव तथा राष्ट्रिय चलचित्र पत्रकारिता दिवसको अवसरमा आयोजित एक कार्यक्रममा पत्रकार ढुंगानालाई उक्त पुरस्कार प्रदान गरिएको हो ।

२०७२ बाट चलचित्र क्षेत्रमा भिडियो तथा सममाजिक सञ्जालको पत्रकारीता गर्दै आएका ढुंगाना सोलुखुम्बुको नेचासल्यान निवासी हुनुहुन्छ । पुरस्कार ग्रहणपछि पत्रकार ढुंगानाले चलचित्र पत्रकार संघ नेपालप्रति आभार व्यक्त गर्दै आफ्नो पत्रकारिता यात्रामा साथ दिने अग्रज, सहकर्मी र शुभचिन्तकप्रति कृतज्ञता व्यक्त गरेका छन् ।

उहाँले सञ्चार क्षेत्रमा प्रवेश गराउन प्रेरणा दिने व्यक्ती तथा संस्थाहरुलाई सामाजिक सञ्जालमार्फत स्म्झनुभएको छ । उहाँले एक दशक लामो पत्रकारिता यात्रामा साथ र सहयोग गर्ने सम्पूर्ण सहकर्मी तथा शुभेच्छुकहरूको माया र विश्वासकै कारण यो सम्मान प्राप्त गर्न सफल भएको बताउनुभएको छ ।

कार्यक्रममा चलचित्र पत्रकारिता क्षेत्रमा योगदान पु¥याउने अन्य पत्रकार तथा सञ्चारकर्मीहरूलाई समेत सम्मान गरिएको थियो । सम्मानित पत्रकारले यो पुरस्कारले चलचित्र पत्रकारितालाई अझ जिम्मेवार, विश्वसनीय र मर्यादित ढंगले अघि बढाउन थप प्रेरणा दिएको प्रतिक्रिया दिएका छन् ।