रास्वपा सोलुदुधकुण्ड–४ मा लामा फुरी लामाको सभापतित्वमा तदर्थ समिति गठन

सबिना राई, सोलुखुम्बु, जेठ २१ । राष्ट्रिय स्वतन्त्र पार्टी (रास्वपा) ले सोलुखुम्बुको सोलुदुधकुण्ड नगरपालिका वडा नं. ४ मा नयाँ तदर्थ समिति गठन गरेको छ । बिहीबार आयोजित बैठकले लामा फुरी लामाको सभापतित्वमा वडा स्तरीय तदर्थ समिति गठन गरेको हो । बैठक रास्वपा सोलुदुधकुण्ड नगरपालिकाका सभापति पेम्बारिन्जी शेर्पा को अध्यक्षता तथा रास्वपा जिल्ला सभापति नारायणकाजी कार्कीको प्रमुख आतिथ्यतामा सम्पन्न भएको थियो ।

गठित तदर्थ समितिको उपसभापतिमा निमा तामाङ, सचिवमा लाक्पा लामा चयन भएका छन् । त्यसैगरी महिला सदस्यहरूमा सविना श्रेष्ठ, माया तामाङ, लेमी लामा तथा याङडु शेर्पा रहेका छन् । दलित महिला सदस्यमा राधिका वि.क. चयन भएकी छन् । समितिका अन्य सदस्यहरूमा निमा नुरु लामा, कर्मा शेर्पा, दाबा नुरु शेर्पा, पासाङ काजी लामा, गेलु लामा, वीरबहादुर तामाङ तथा बाबुकाजी शेर्पा रहेका छन् । नवगठित समितिले आगामी दिनमा संगठन विस्तार, सदस्यता अभियान तथा स्थानीय जनसरोकारका विषयमा सक्रिय भूमिका निर्वाह गर्ने अपेक्षा गरिएको छ ।