जेठ २१, सोलुखुम्बु । सोलुखुम्बुको सोलुदुधकुण्ड नरपालिका वडा नम्बर १० टाप्टिङ चैलुङ निवासी तथा सगरमाथा युवा क्लब का सदस्य प्रदीप मगरले विश्वको सर्वोच्च शिखर सगरमाथा सफलतापूर्वक आरोहण गर्नुभएको छ । प्रदीप मगरले जेठ ५ गते बिहान ८ बजेर १६ मिनेटमा सगरमाथाको चुचुरोमा पुगेर आरोहण सफल बनाउनुभएको हो । उहाँको यस ऐतिहासिक उपलब्धिले सोलुदुधकुण्ड नगरपालिका–१० टाप्टिङ चैलुङसहित सम्पूर्ण सोलुखुम्बु जिल्लाको गौरव बढाएको छ ।
उहाँको सफलताप्रति स्थानीयवासी, क्लबका पदाधिकारी तथा विभिन्न संघसंस्थाले बधाई तथा शुभकामना व्यक्त गरेका छन् । सगरमाथा युवा क्लबले पनि आफ्ना सदस्य प्रदीप मगरको यस उल्लेखनीय उपलब्धिलाई क्लब र समग्र समुदायका लागि प्रेरणादायी क्षणका रूपमा लिएको जनाएको छ । युवा पुस्तालाई साहस, आत्मविश्वास र लक्ष्यप्रतिको प्रतिबद्धताको सन्देश दिने उहाँको सफल आरोहणले पर्वतारोहण क्षेत्रमा नयाँ ऊर्जा थप्ने विश्वास गरिएको छ ।
Discussion about this post