साउन ५, सोलुखुम्बु । मनसुनको समयमा हुन सक्ने पहिरोको जोखिमलाई ध्यानमा राख्दै सोलुखसम्बुबाट बाहिरिने सवारी साधनका लागी समयसिमा तोकिएको छ । जिल्ला प्रशासन कार्यालय सोलुखुम्बुले सिद्धिचरण राजमार्ग अन्तर्गतको साल्मे पहिरोको जोखिमलाई ध्यानमा राखेर सोलुबाट अन्यत्रका लागी छुट्ने सवारी साधन सञ्चालनका लागी समयसीमा निर्धारण गरेको हो । नयाँ समयसीमा अनुसार अव सोलुखुम्बुबाट छुट्ने यातायातका साधनहरू बिहानको ५ बजे पछाडि मात्रै बाहिरिन पाउने भएका छन् ।
बर्षातका कारण हुन सक्ने सम्भावित जोखिमलाई न्यूनिकरण गर्नका लागी जिल्ला बाहिर जाने गाडीहरूलाई ५ बजे पछि मात्रै जान अनुमति दिइने जिल्ला प्रशासन कार्यालय सोलुखुम्बुका प्रमुख जिल्ला अधिकारी कमान सिंह थापा मगरले बताउनुभयो । यसका लागी जोर बौद्धमा सुरक्षाकर्मी खटाएर काम सुरु भइसकेको छ । जिल्ला प्रहरी कार्यालयसँगको सहयोगमा केही समय गाडीहरूलाई ५ बजेपछि मात्रै जानका लागी अनुमति दिइने जनाइएको छ ।
Discussion about this post