सर्भरमा समस्या आएपछि जिल्ला प्रशासन सोलुखुम्बुको बायोमेट्रिक सेवा अवरुद्ध

जेठ ३१, सोलुखुम्बु । केन्द्रिय सर्भरमा समस्या जिल्ला प्रशासन कार्यालय सोलुखुम्बुको बायोमेट्रिक सेवा अवरुद्ध भएको छ । विहिबार बाट जिल्ला प्रशासन कार्यालयबाट प्रवाह हुने राहदानी सेवामा प्रयोग हुने बायोमेट्रिक सेवा सर्भरमा समस्या आएका कारण उक्त सेवा  अवरुद्ध भएको हो । एक सुचना जारी गर्दै कार्यालयले केन्द्रिय सर्भरमा समस्या आएपछि राहदानी सेवा र बायोमेट्रिक सेवा अवरुद्ध भएको बताएको छ ।

विहिबार देखी जिल्ला प्रशासन कार्यालयमा प्रयोग हुने बायोमेट्रिक प्रविधिमा समस्या आउँदा राहदानी तथा बायोमेट्रिक दर्ता सेवा अवरुद्ध भएको सहायक प्रमुख जिल्ला अधिकारी सरोज अर्यालले जानकारी दिनुभयो । उहाँका अनुसार अहिले तत्काल सर्भर डाउन रहेकाले राहदानी तथा बायोमेट्रिक नयाँ दर्ताका काम नहुने भएपनि तयार भइसकेको राहदानी वितरणको सेवा भने निरन्तर रहने उहाँको भनाई छ । सर्भर बन्ने वित्तिकै सेवा सुचारु हुने अर्यालले जानकारी दिनुभएको छ ।