पासाङ ल्हामु शेर्पा स्मृति कपको उपाधि महाकुलुङ र क्याम्जे युथ क्लबले जित्यो

जेठ ३२, सोलुखुम्बु । राष्ट्रिय विभूति पासाङ ल्हामु शेर्पा स्मृति भलिबल कपमा महिलातर्फ पहिलो स्थान महाकुलुङ गाउँपालिका र पुरुषतर्फ क्याम्जे युथ क्लबलले जीत हासिल गरेको छ । खुम्बु पासाङल्हामु गाउँपालिका २ सुर्केमा खेलकुदको माध्यमबाट पर्यटन प्रवर्धन, महिला सशक्तीकरण र समानताका लागि आवाज भन्ने नाराका साथ आयोजना गरिएको कपको महिला तर्फ महाकुलुङ गाउँपालिका र पुरुषतर्फ क्याम्जे युथ क्लबलले जीत हासिल गरेको हो ।

ग्रीनतारा टोल विकास संस्थाका अध्यक्ष ङवाङ जिम्बा शेर्पालेका अनुसार पुरुष तर्फ सोताङ गाउँपालिका दोस्रो र खुम्बु पासाङल्हामु गाउँपालिका तेस्रो भएकोे छ । यस्तै महिला तर्फ माप्य दुधकोशी गाउँपालिका (ए ) दोस्रो र माप्य दुधकोशी (बि) तेस्रो भएको आयोजकले जनाएको छ ।

खुम्बु पासाङ ल्हामु गाउँपालिका र पासाङ ल्हामु पर्वतारोहण प्रतिष्ठानको प्रायोजन तथा ग्रिन तारा टोल विकास संस्थाको आयोजनामा आयोजनामा सम्पन्न प्रतियोगितामा ९ टिमको सहभागिता रहेको थियो । भलिबल प्रतियोगितामा पहिलो, दास्रो र तेस्रो हुने प्रतियोगिहरुलाई क्रमश : १ लाख ३१ रुपैयाँ, ७५ हजार ३१ रुपैयाँ र ५० हजार ३१ रुपैँयाको साथमा शिल्ड, मेडल र प्रमाणपत्र प्रदान गरिएकोे छ ।

यस्तै उत्कृष्ट खेलाडीलाई १० हजार ३१ रुपैयाँको साथमा ट्रफी मेडल र प्रमाणपत्र प्रदान गरिएको छ । राष्ट्रिय विभूति जन्मिएको गाउँ खुम्बु पासाङल्हामु गाउँपालिका–२ सुर्केमा प्रथम नेपाली महिला सगरमाथा आरोही पासाङल्हामु शेर्पाले विश्वको सर्वोच्च शिखर सगरमाथाको सफल आरोहण गरेको ३१ वर्ष पूरा भएको अवसरमा भलिबल प्रतियोगिता आयोजना गरिएको हो । उक्त प्रतियोगिता यहीँ जेठ २९ गतेबाट सुरु भई बिहिवार सम्पन्न भएको ग्रीनतारा टोल विकास संस्थाका अध्यक्ष ङवाङ जिम्बा शेर्पाले बताउनुभयो ।