नेपाल लोकतान्त्रिक शेर्पा संघ जिल्ला कार्यसमिति सोलुखुम्बु गठन, अध्यक्षमा पेम्बा चयन

जेठ ३१,सोलुखुम्बु । नेपाल लोकतान्त्रिक शेर्पा संघ सोलुखुम्बुको १७ सदस्यीय जिल्ला कार्यसमिति गठन भएको छ । नेपाल लोकतान्त्रिक शेर्पा संघका केन्द्रिय सदस्य निमा शेर्पाको संयोजकत्वमा सम्पन्न कार्यक्रमले पेम्बा शेर्पाको अध्यक्षतामा जिल्ला कार्यसमिति चयन गरेको हो ।

यस्तै कार्यक्रमले संघकाे उपाध्यक्षमा पसि शेर्पा, सचिवमा मिङ्मार शेर्पा, सहसचिवमा पेम्बा शेर्पा, कोषाध्यक्षमा ल्हेमी शेर्पा चयन भएका छन । यस्तै संघको जिल्ला कार्यसमिति सदस्यहरुमा ङिमा तेन्जिङ शेर्पा, ङिमछिरी शेर्पा, पासाङ दावा शेर्पा, लामा दाबा शेर्पा, ङिमा ग्याल्जेन शेर्पा, लाक्पा शेर्पा, आङ फुर्वा शेर्पा, ल्हाक्पा शेर्पा, काण्ड शेर्पा, पेमा शेर्पा र गेलु शेर्पा चयन भएका छन् ।

सोलुदूधकुण्ड नगरपालिका वडा नम्बर २ बेनीका वडाअध्यक्ष ङवाङ ठिले शेर्पाको प्रमुख आतिथ्यतामा सम्पन्न कार्यक्रममा संयोजक तथा केन्द्रिय सदस्य निमा शेर्पाले जिल्लामा शेर्पा समुदायको हक हित संरक्षण र संस्कृति सम्वर्द्धनका लागी उल्लेख्य भुमिका निर्वाह गर्नुपर्ने बताउनुभएको छ । उहाँले शेर्पा समुदायको संस्कार, संस्कृति, रहनसहन बचाउन र सामुदायिक हितलाई केन्द्रमा राखेर काम गर्न नवगठित समितिलाई शुभकामना दिनुभएको छ ।