लट्टेबारी टोलबिकास समितिले बनायो, जनश्रमदान मार्फत ५ वटा काठेपुल

असार १, सोलुखुम्बु । ओखलढुंगाको खिजिदेम्बा गाउँपालिका वडा नम्बर –६ मा रहेकोे लट्टेबारी टोल बिकास समितिद्वारा जनश्रमदान मार्फत काठेपुल निर्माण गरिएको छ । गत जेठ ३१ र ३२ गते खिजिदेम्बा गाउँपालिका–६ को सिमाना र मोलुङ गाउँपालिका–६ को सिमानामा अवस्थित योलुङखोलाको विभिन्न स्थानमा जनश्रमदान मार्फत काठेपुल निर्माण गरेको हो ।

x x

हिउँदमा समेत मानिसहरु आवातजावत गर्न अत्यन्तै जोखिम रहेको उक्त पुल बर्खायाममा बढी आवतजावत गर्न समस्या हुने भएकाले उक्त समस्यालाई मध्यनजर गर्दै पुरानो काठको पुल हटाई नयाँ पुल बनाइएको लट्टेबारी टोलबिकास समितिका अध्यक्ष गोबिन्द कुमार खत्रीले जानकारी दिनुभयो । हाल सम्म उक्त खोलामा विभिन्न स्थानमा ५ वटा काठेपुल जना श्रमदान बाटै निर्माण गरेको अध्यक्ष खत्रीको भनाई छ ।