खुम्बुका १०० जना किसानले लिए जैविक झोलमल तयार गर्ने तालिम

असार १, सोलुखुम्बु । खुम्बु पासाङल्हामु गाउँपालिकाले किसानहरूलाई जैविक झोलमल तयार गर्ने सम्बन्धी तालिम दिएइएको छ । खुम्बु पासाङल्हामु गाउँपालिकाको आर्थिक वर्ष २०८०÷८१ को वार्षिक स्वीकृत कार्यक्रम अन्तर्गत ३ लाख बजेट विनियोजन गरी ५ वटै वडाका १०० जना किसानहरुलाई तालिम दिइएको हो ।

खुम्बु पासाङल्हामु गाउँपालिकाका कृषि शाखा प्रमुख अमृत अर्यालका अनुसार रासायनिक मलको प्र्रयोग नगर्ने, नगराउने तवरले गत जेठ २५ गते देखि वडा नम्बर १ खरिखोला देखि सुरु भई शनिबार वडा नम्बर ५ ठमोमा सम्पन्न गरिएको हो ।

उक्त तालिम वडा नम्बर २ लुक्ला, वडा नम्बर ३ घाट र वडा नम्बर ४ खुम्जुङमा सन्चालन गरिएको थियो । पालिकामा तालिम प्रभावकारी भए पनि खुम्बु पासाङल्हामु गाउँपालिका क्षेत्रमा अत्याधिक चिसो हुने भएकाले गोठमा पिसाब संकलन गर्न समस्या हुने कृषि शाखा प्रमुख अर्यालको भनाई छ ।