थुलुङको जनता र जनसेवा माविमा नेविसंघको इकाई समिति गठन

असार ४, सोलुखुम्बु । थुलुङदुधकोशी गाउँपालिका स्थित जनता मावि र जनसेवा माविमा नेपाल विद्यार्थी संघ इकाई समिति गठन गरिएको छ । मंगलबार जनता माविमा प्रवज्ल राईको अध्यक्षतामा ३५ सदस्यीय र जनसेवा माविमा पञ्चराज तामाङ ३७ सदस्यीय इकाई समिति गठन गरिएको हो ।

नेपाल विद्यार्थी संघ सोलुखुम्बुका सचिव विभूषण राईले लोकतन्त्र रक्षाका लागि विद्यार्थी संघठन एकतावद्ध हुनु पर्नेमा जोड दिनुभयो । साथै विद्यार्थीहरुको हक र हितका निम्ति नेविसंघले जुन सुकै अवस्थामा साथ दिने उल्लेख गर्नुभयो ।
बुधबार जनकल्यान माध्यमिक विद्यालय र हिमालय माध्यमिक विद्यालयमा नेपाल विद्यार्थी संघ ईकाई समिति गठन गरिने भएको जनाइएको छ ।