माप्य दुधकोशीमा २१ जनालाई बचत, ऋण तथा नेतृत्व विकास तालिम

असार ४, सोलुखुम्बु । सोलुखुम्बुको माप्यदुधकोशी गाउँपालिकामा मिलिजुली समुहको बचत, ऋण तथा नेतृत्व बिकास सम्बन्धि तामिल दिन थालिएको छ । मगंलबारबाट गाउँपालिकाको आयोजनामा ७ वटै वडामा रहेका मिलिजुली समुहका प्रतिनिधिहरुलाई तालिम दिन थालिएको हो । स्थानीय सरकारले विउँपुजी ५० हजार रुपैँया प्रदान गरेपछि त्यस रकमको बचत तथा ऋण कसरी दिने भन्ने बिषयमा तालिम दिइएको माप्यदुधकोशी गाउँपालिकाका उपाध्यक्ष गौरव राईले जानकारी दिनुभयो ।

माप्य दुधकोशी गाउँपालिकाका अध्यक्ष बुद्धि किरण राईको प्रमुख आतिथ्यतामा देवी कुमारी राईको अध्यक्षतामा ओपिडी संस्था समेत गठन गरिएको छ । वडामा रहेको मिलिजुली समुहलाई मजबुद बनाउनका लागि आफु लागि परिरहने अध्यक्ष राईले प्रतिबद्वता व्यक्त गर्नुभएको छ । यस दुई दिने तालिमसँगै पालिका भित्र अपाङ्गता भएका व्यक्तिहरुलाई सिपमुलक तालिम समेत दिईने गाउँपालिका अध्यक्ष बुद्धि किरण राईले जानकारी दिनुभयो ।