अक्षय कोषमा भएको रकमको व्याजबाट सामाजिक कार्य गर्ने

असार ४, सोलुखुम्बु । खोटाङको रावाबेँसी गाउँपालिका –१ कुभिन्डे स्थित इन्द्रेणी सेवा समाजले अक्षय कोषमा राखेको रकमको व्याजबाट सामाजिक कार्य गर्ने भएको । सोमबार इन्द्रेणी सेवा समाजको मातहतमा रहनेगरी नरबहादुर खालिङ र सन्तलच्छी खालिङको परिवारले अक्षय कोष स्थापना गरेसँगै समाजले व्याजबाट सामाजिक कार्य गर्ने भएको हो । इन्द्रेणी सेवा समाजका सचिव टिकाराम राईका अनुसार खालिङद्वयको नाममा परिवारका सदस्यले दुई लाख ५० हजार रुपैँयाको अक्षय कोष स्थापना गर्नुभएको छ ।

२ लाखको व्याजबाट सामाजिक हितका लागि काम गरिने भएको छ, भने रावाबेँसी गाउँपालिका वडा नम्बर १ को साविका वडा ७, ८ र ९ का नागरिकहरुलाई ५० हजारको व्याजबाट आपत्कालिन समयमा दुई महिनामा फिर्ता गर्न चाहानेहरुलाई रकम दिइने इन्द्रेणी सेवा समाजका अध्यक्ष मनबहादुर राईले जानकारी दिनुभयो । २०५८ सालमा स्थापना गरिएको इन्द्रेणी सेवा समाजले गाउँमा सामाजिक परिवर्तनका काम गर्दैआएको इन्द्रेणी सेवा समाजले जनाएको छ ।