सोलुखुम्बुमा ट्राफिक सप्ताह सुरु, जिल्लामा सवारी दुर्घटनामा कमी

असार ६, सोेलुखुम्बु । सोलुखुम्बुमा सचेतनामूलक कार्यक्रम गरेर ट्राफिक सप्ताह–२०८१ सुरु गरिएको छ । दुर्घटना न्यूनीकरण र ट्राफिक नियम पालनालाई प्रभावकारी बनाउन बिहिबार देखि एक हप्तासम्म विभिन्न सचेतनामूलक कार्यक्रम आयोजना गरेर ट्राफिक सप्ताह मनाउन लागिएको हो । प्रमुख जिल्ला अधिकारी देवि पाण्डे (खत्री)को अध्यक्षता र जिल्ला समन्वय समितिका प्रमुख कृष्ण प्रसाद निरौलाको प्रमुख आतिथ्यतामा सल्लेरी बजार प्रभातफेरी गरी जिल्ला समन्वय समितिको सभाहलमा कार्यक्रमको उद्घाटन गरिएको जिल्ला ट्राफिक कार्यालयले सोलुखुम्बुले जनाएको छ ।

समुद्वाटन कार्यक्रमा जिल्ला समन्वय समितिका प्रमुख कृष्ण प्रसाद निरौलाले माउण्ट एभरेष्ट सेकेन्डरी स्कुलका छात्रा कल्याण राईलाई हेल्मेट लगाई कार्यक्रमको उद्घाटन गर्नुभएको छ । पूर्वी जिल्ला सोलुुखुम्बुमा आर्थिक बर्ष २०७९÷०८० मा १२ वटा दुर्घटनामा १ जनाको मृत्यु र ९ जना घाइते भएका थिए, भने चालु आर्थिक बर्ष २०८०÷०८१ मा ११ जना घाईते भएको कार्यालयको तथ्याङ्कमा उल्लेख गरिएको छ । सप्ताहको पहिलो दिन प्रभातफेरीमा जिल्ला स्थित जनप्रतिनिधि, सरोकारवाला कार्यालय, सङ्घ संस्था, विद्यार्थी, सर्वसाधारण, सवारी चालक लगायतको सहभागीता रहेको थियो ।

जिल्लामा सवारी दुर्घटना न्यूनीकरण र ट्राफिक नियमको बारेमा व्यापक जनचेतना जगाउने गरी सप्ताह सुरु गरिएको जिल्ला प्रहरी कार्यालयका प्रमुख एवंम प्रहरी नायव उपरीक्षक द्वारिका प्रसाद घिमिरेले बताउनुभयो । उहाँका अनुसार आन्तरिक मामिला तथा कानून मन्त्रालय कोशी प्रदेश, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी सुनसरी तथा जिल्ला प्रहरी कार्यालयको आयोजनामा कोशी प्रदेशका १४ वटै जिल्लामा एकै साथ ट्राफिक सप्ताह सुरु गरिएको हो ।

 सप्ताहव्यापी कार्यक्रम अन्तर्गत अव्यवस्थित पार्किङ हटाउने, चालक र परिचालकलाई प्रशिक्षण, सवारीको यान्त्रिक परीक्षण, सिट क्षमता आरक्षण अनुगमन, सडक प्रयोगकर्ता, यात्रु सचेतनामा प्रशिक्षण, पर्चा पम्प्लेट वितरण, सवारी चालकको स्वास्थ्य परीक्षण गर्ने उल्लेख गर्नुभयो । । प्रमुख अतिथिको आसनबाट बोल्दै जिल्ला समन्वय समितिका प्रमुख कृष्ण प्रसाद निरौलाले जिल्लामा ट्राफिक प्रहरी कार्यालयका भवन जिर्ण रहेकाले सर्वप्रथम यस तर्फ सम्बन्धीत निकायहरुको ध्यान जानुपर्नेमा जोड दिदै आफ्नो तर्फबाट पनि थप पहल गर्ने प्रतिबद्वता व्यक्त गर्नुभयो । साथै सोलुमा हाल ट्राफिक प्रहरी जनशक्तिको अभाव भएकाले दुर्घटना न्यूनिकरणका लागि प्रहरीको मात्र भूमिका नरहि सबै सरोकारवालाहरुको उत्तिकै भूमिका निर्वाह गर्र्नुपर्ने औल्याउनु भयो ।

सवारी चालकहरुले मापे गरेर सवारी साधन चलाउदा बढी दुर्घटना हुने उल्लेख गर्दै चालक स्वयंम सचेत रहनु पर्नेमा जोड दिनुभयो । उद्घाटन कार्यक्रममा प्रमुख जिल्ला अधिकारी देवि पाण्डे (खत्री)ले ग्रामिण क्षेत्रमा सडकको अवस्थालाई मध्यनजर गर्दे चालकहरुले सवरी चलाउन आग्रह गर्नुभयो । सवारी चालकहरुले मापे गरेर सवारी साधन चलाउदा बढी दुर्घटना हुने उल्लेख गर्दै चालक स्वयंम सचेत रहनु पर्नेमा जोड दिनुभयो ।

कार्यक्रममा जिल्ला समन्वय समितिका प्रमुख कृष्ण प्रसाद निरौला, प्रमुख जिल्ला अधिकारी देवी पाण्डे खत्री, सहायक प्रमुख जिल्ला अधिकारी सरोज अर्याल, सोलुदुधकुण्ड नगरपालिका वडा नम्बर ६ का वडा अध्यक्ष फुर्वा ग्याल्जेन शेर्पा, वडा नम्बर ५ का वडा अध्यक्ष मिङ्मार शेर्पा, प्रमुख अनुसन्धान अधिकृत निर्मल पौडेल, सोलुखुम्बुका प्रहरी नायब उपरीक्षक (डिएसपी) द्वारिका घिमिरे, लगायतका अन्य सुरक्षाकर्मीहरु, यातायात व्यवसायी, शिक्षक तथा विद्यार्थीहरुको समेत उपस्थिति रहेका थियो ।