असार ६,सोलुखुम्बु । काठमाडौंको तारकेश्वरमा निर्माणाधिन ख्याःल् तम्र म्योल्कम निर्माणका लागि सरकारले १८ लाख विनियोजन गरेको छ ।खालिङ समुदायको ड्रिम प्रोजेक्टको रुपमा रहेको संग्राहलयसहितको ख्याःल् तम्र म्योल्कम निर्माणका लागि संस्कृति, पर्यटन तथा नागरिक उड्ययन प्राधिकरणले आगामी आर्थिक वर्ष २०८१ /८२ मा १८ लाख विनियोजन गरेको हो ।
बजेट बिनियोजन गर्नका लागि नेकपा माओवादी केन्द्रका प्रदेश सचिवालय सदस्य तथा थुलुङ दुधकोशी गाउँपालिकाका अध्यक्ष असिम राई र माप्य दुधकोशी गाउँपालिका उपाध्यक्ष गौरब राईले विषेश पहलकदमी लिनुभएकाे थियाे।
उहाँहरूकाे नेतृत्वको टोलीले प्रधानमन्त्री पुष्पकमल दाहाल ‘प्रचण्ड’ र पर्यटन मन्त्री हित बहादुर तामाङलाई भेटेर आवश्यक बजेटको माग राख्नुभएकाे थियाे ।
यद्यपि १८ लाख बजेट विनियोजन भएपछि खालिङ समुदायले खुशी भएकाे व्यक्त गरेका भने यसकाे लागि पहल गर्नु हुने सबैमा धन्यवाद दिएका छन् ।
Discussion about this post