नेचासल्यान गाउँपालिका : आगामी आर्थिक बर्षको बजेट निर्माणका लागि सुझाव एवं योजना संकलन

असार ७, सोलुखम्बु । सोलुखुम्बुको नेचासल्यान गाउँपालिकाले आगामी आर्थिक बर्ष २०८१÷८२ को बजेट निर्माणका लागि सुझाव एवं योजना संकलन गरेको छ । बिहिवार नेचासल्यान गाउपालिका अध्यक्ष धनजन राईको अध्यक्षतामा सुझाव एवं योजना संकलन गरिएको हो । आगामी आर्थिक बर्षको बजेट तथा कार्यक्रममा समावेश गर्न उपयुक्त हुने विषयहरुको सम्बन्धमा राजनितिक दलका, संघ संस्थाका प्रतिनिधि, लक्षित समुहका प्रतिनिधि लगायत सरोकारवालहरु सँग छलफल गरिएको सहकर्मी धनकुमार ढुगेंलले जानकारी दिनुभयो ।

सुझाब संकलन तथा अन्तरक्रिया कार्यक्रममा सरोकारवालाहरुले गाउमा रोजगारीका सिर्जना, स्थानिय उत्पादनमा जोड दिने र चालू खर्चमा मितब्ययीता अपनाउनुका साथै दीर्घकालीन योजना निर्माण गर्न सुझाव दिएका छन् । यस्तै गाउपालिकाबाट सम्पादन हुने र सम्पादन भएका सबै क्रियाकलापको सार्बजनिक सुनुवाई गरि सुशासनको प्रत्याभुति दिलाउन समेत जनप्रतिनिधिहरुसंग माग गरेका छन् । नेचासल्यान गाउपालिकामा बिगत दुई आर्थिक बर्ष यता सार्बजनिक सुनुवाई गर्न समेत सुझाव दिएका छन् । पालिका अध्यक्ष राईले आउदाँे भदौ महिनामा पालिकाले सार्वजनिक सुनुवाई गर्ने प्रतिबद्वता समेत व्यक्त गर्नुभएको छ ।