सोताङ गाउँपालिकाको बजेट साँढे ३५ करोड, खानेपानी र शिक्षामा जोड

असार १०, साेलुखुम्बु । सोलुखुम्बुको सोताङ गाउँपालिकाले ३५ करोड बढिको बजेट ल्याएको छ । गाउँपालिकाको केन्द्र सोताङमा सम्पन्न बजेट अधिवेशनमा आगामि आर्थिक बर्षका लागि नीति कार्यक्रम र बजेट पेश गरिएको हो ।

पालिका अध्यक्ष खिलराज बस्नेतको अध्यक्षतामा सम्पन्न गाउँ सभामा पालिका उपाध्यक्ष अन्जु नाछिरिङले ३५ करोड ४९ लाख ८१ हजार ९ सय ९७ बराबरको बजेट पेश गर्नुभएको हो । पालिकाका गाउँ सभा सदस्यहरु उपस्थित सभामा उपाध्यक्ष नाछिरिङले आजै नीति तथा कार्यक्रम र बजेट प्रस्तुत गर्नु भएको हो ।

आज प्रस्तुत गरिएको बजेटमा खानेपानी तर्फ २ करोड, शिक्षामा १ करोड र स्वास्थ्य क्षेत्रमा १ करोड ९ लाख विनियोजन गरिएको सूचना प्रविधिक अधिकृत अरुण बस्नेतले जानकारी दिनु भयो । यो बजेटले सोताङको बृहत्तर विकासमा महत्वपूणर् नतिजा हात पर्ने पालिका अध्यक्ष खिलराज बस्नेतको भनाई छ ।