जिल्ला आयुर्वेदको स्वास्थ्य प्रबर्धन कार्यक्रममा ९० जनाले लिए सेवा

असार १०, साेलुखुम्बु ।  जिल्ला आयुर्वेद स्वास्थ्य केन्द्र सोलुखुम्बुले ज्येष्ठ नागरिकका लागि स्वस्थ्य प्रर्बद्धन सेवा कार्यक्रम संचालन गरेको छ । कार्यालयको वार्षिक कार्यक्रम अनुसार सोमबार सोलुदुधकुण्ड नगरपालिका २ जुनवेसीँमा आयुर्वेद शिविर संचालन गरेको हो ।

थुप्तेन छोलिङ गुम्बामा भएको कार्यक्रमबाट ९० जनाले सेवा लिएका छन् । जुनवेसीँकै एक आम्जि औषधालयको समन्वयमा गरिएको कार्यक्रममा गुम्बाका लामा र आनीहरुको स्वास्थ्य परीक्षण गरिएको आयुर्वेद स्वास्थ्य केन्द्रका अधिकृत केशव ढुंगानाले जानकारी दिनुभयो ।

आयुर्वेद अश्वगन्धा चूर्ण,अमला चूर्ण, सितोपलादि चूर्ण, महायोगराज गुगुल र अभिपतिकर चूर्ण लगायतका औषधी वितरण गरेको छ । कार्यक्रममा आयुर्वेद केन्द्रका निमित्त प्रमुख अमेन्द्र कुमार पण्डित, प्राविधिकहरु युवराज राई र अन्जना ढकाल लगायतको उपस्थिति थियो ।