असार ११, सोलुखुम्बु । नेपाल विद्यार्थी संघ सोलुखुम्बुका जिल्ला सचिव बिभूषण राईले नेपाल विद्यार्थी संघका केन्द्रिय अध्यक्ष दुजाङ्ग शेर्पासँग भेट गर्नुभएको छ । शनिबार नेपाल विद्यार्थी संघ केन्द्रिय कार्यालय काठमाडौँमा भेटवार्ता गर्र्नुभएको हो । द्विपक्षिय भेटवार्तामा नेपाल बिद्यार्थी संघ सोलुखुम्बु जिल्ला अधिवेशनको मिति तत्काल घोषणा गरी अधिवेशन उन्मुख हुनु पर्नेमा सचिव राईले जोड दिनुभएको छ । यता नेपाल विद्यार्थी केन्द्रिय संघका अध्यक्ष दुजाङ्ग शेर्पाले चाडै प्रतिनिधि तोकेर विधिवत ढङ्गवाट अधिवेशन हुने प्रतिबद्वता जनाउनुभएको छ ।
जिल्लामा २० ओटा भन्दा बढी माद्ययमिक विद्यालयकाहरुमा इकाइ अधिवेशन तथा विभिन्न रचनात्मक र सांगठनिक गतिविधि सम्पन्न गरिसकिएको छ, भने जिल्लाको गतिविधिहरुको बारेमा समेत केन्द्रिय अध्यक्ष शेर्पालाई बृफिङ्ग गर्नुभएको थियो । ईकाई समिति गठनमा बिद्यार्थीहरुले अधिवेशनबाट नयाँ नेतृत्व चाहेको र त्यो छिट्टै पुरा हुने कुरामा उनीहरु विश्वस्त रहेको उल्लेख गर्नुभयो । यस्तै भेटको क्रममा लोकतान्त्रिक मुल्य मान्यतालाई कायम गर्दै बिधिवत अधिवेशन हुने र त्यसको लागी नेविसघं निरन्तर लागिरहने बताउनुभयो ।
