असार ११, सोलुखुम्बु । सोलुखुम्बुको नेचासल्यान गाउँपालिका वडा नम्बर ३ मा अबस्थित शहिद नरनाथ आविबाट अवकाश भएका शिक्षक डम्बरप्रसाद कट्टेलले अक्षयकोषको स्थापना गर्नुभएको छ । मंगलबार एक कार्यक्रम आयोजना गरी बिदाई तथा सम्मान कार्यक्रमको अवसरमा आफ्नो स्वर्गिय बुबा प्रभाखर कट्टेल र आमा तुलसा देबि कट्टेलको नाममा ५१ हजार बराबरको अक्षयकोष स्थापना गर्नुभएको हो ।
कोषमा जम्मा गरिएको रकमको ब्यजबाट विद्यालयका एक शिक्षकलाई व्यवस्थापन समिति र विद्यालय प्रशासनको मुल्यांकनका आधारमा सम्मानित गर्ने अक्षयकोष दाता डम्बर प्रसाद कट्टेलले बताउनुभयो । यसैबिच सोही विद्यालयका पुर्व विद्यार्थी पुर्व व्यवस्थापन समिति सदस्य तथा रेडियो एभरेष्टका फिल्ड कोडिनेटर धनकुमार ढुगेंल शोभितले शुद्ध पिउने पानीको अवधारणाका साथ विद्यालयाका ९ वटा कक्षा कोठामा ९ थान पानीको जार सेट हस्तान्तरण गर्नुभएको छ ।
व्यवस्थापन समिति अध्यक्ष धुर्व भण्डारीको अध्यक्षता सम्पन्न भएको कार्यक्रममा व्यवस्थापन समितिका पदाधिकारी शिक्षक अभिभावक सघंका प्रतिनिधी, प्रधानाध्यापक कमल प्रसाद कट्टेल लगायत विद्यार्थीहरुको उपस्थिति रहेको थियो ।
Discussion about this post