सोलुखुम्बुमा सचेतना जगाउँदै ट्राफिक सप्ताह सम्पन्न

असार १२, सोलुखुम्बु । पूर्वी जिल्ला सोलुखुम्बुमा सचेतना जगाउँदै ट्राफिक सप्ताह सम्पन्न गरिएको छ । असार ६ गतेबाट सुरु गरिएको सप्ताह कार्यक्रम अवधिमा विभिन्न स्थानहरुमा सचेतना जगाउदैँ सुरु गरिएको कार्यक्रम बुधवार समापन गरिएको हो । सप्ताहको पहिलो दिन ¥याली, दोस्रो दिन तीव्र गति नियन्त्रण तथा पार्किङ निषेध, तेस्रो दिन सडक अनुशासनको बारेमा जानकारी गराईएको थियो ।

यस्तै चौथो दिन ई–रिक्सा र स्कुल बस चालकहरूलाई तालिम, पाँचौँ दिन मादक पदार्थ सेवन सम्बन्धी कार्यक्रम, छैटौ दिन चालक तथा सवारी साधनको स्वास्थ्य जाँचका साथै सातौँ दिन अन्तरक्रिया गरी कार्यक्रम समापन गरिने छ । समापन कार्यक्रममा बाल्दै जिल्ला प्रहरी कार्यालय सोलुखुम्बुका प्रहरी नायब उपरीक्षक द्वारिका प्रसाद घिमिरेले सवारी साधन चलाउदा चालकले सचेत भई सवारी चलाउनु पर्नेमा जोड दिनुभएको छ ।

चालक स्वयम सचेत हुदा मात्र दुर्घटना न्युनिकरण हुने उल्लेख गर्नुभएको छ । समापन कार्यक्रममा सोलुदुधकुण्ड नगरपालिकाका मेयर नाम्गेल जाङ्बु शेर्पा प्रमुख जिल्ला अधिकारी देवी (पाण्डे) खत्री, जिल्ला ट्राफिक प्रहरी कार्यालयका प्रमुख कृष्ण कटुवाल, सल्लेरी गुल्मका प्रमुख नवराज बस्नेत, शसस्त्र प्रहरी बलका नायब उपरीक्षक कृष्ण खतिवडा लगायत विभिन्न संघ संस्थाका प्रतिनिधीहरुको समेत उपस्थिती रहेको थियो ।